| e-texts navigator |
| Wylie |
147a1 བདུན་པའོ།། །། དེ་ནས་ཡང་གསང་བ་པའི་བདག་པོ་དེས་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་འདི་སྐད་ཅེས་བཀའ་སྩལ་ཏོ།། ཀྱེ་ལང་ཀའི་བདག་པོ་ཁོ་བོ་དྲན་པ
147a2 ཐོག་མའི་ཚེ། ཁོ་བོའི་སྟོན་པ་གསང་བ་མཆོག་གི་བདག་པོ་དེས་འཁོར་དམ་པ་དེའི་ནང་དུ་གསང་བ་བརྒྱུད་པའི་གྲགས་པའི་གཏམ་རྒྱུད་བརྗོད་པ་ནི་གསང་བ་པའི་བདག་པོ་འདི་ལྟ་སྟེ། ང་ཡི་དགོངས་པ་སྐབས
147a3 གཅིག་ན།། གསང་བའི་བདག་པོ་དོན་འདི་དག། མ་ནོར་བ་ཉིད་ནུབ་པར་གྱུར།། ཚུལ་ལམ་བཅོས་ཙམ་གང་དག་ལ།། ཕལ་ཆེར་དོན་དུ་སྤྱོད་མོད་ཀྱི།། དོན་དུ་ངེས་པ་ངས་མ་མཐོང་།། ཀུན་ཀྱང་ལོག་པའི་ལམ་ལ
147a4 སྤྱོད།། གང་དུ་ལོག་པ་ཇི་གང་ན།། དེ་ལ་མི་གནས་འདི་ཉམས་དང་།། འདི་ལ་ལོག་དང་ལོག་ཚུལ་སྤྱོད།། འདི་ཚུལ་མ་ཡིན་འདིར་མ་ངེས།། གཡོ་སྒྱུས་བདེན་འདྲར་བཅོས་ལོག་གམ།། དེ་ཡང་ཇི་ལྟ་བུ་ཞེ་ན།།
147a5 འདས་པའི་དུས་ན་སྔོན་བྱུང་བ།། བསྐལ་པ་ཀུན་བཀོད་བྱ་བ་ལ།། སངས་རྒྱས་མངོན་འབྱུང་རྒྱལ་པོ་དེ།། མྱ་ངན་འདས་པར་གྱུར་འོག་ཏུ།། བྱུང་བའི་རྣལ་འབྱོར་བཟང་ལྡན་དེ།། མི་ཤེས་བྱིས་པའི་འཁོར་རྣས་ལ།།
147a6 ཚུལ་བཅོས་ལོག་པའི་སྔགས་བསྟན་པས།། ལྔ་བརྒྱའི་འཁོར་དང་བཅས་པ་དེ།། དོན་ལས་གོལ་ཅིང་འཁོར་བར་ལོག། དེ་འདྲའི་ཚུལ་འབྱུང་དེར་མ་སྤྱོད།། གཞན་ཡང་གསང་བའི་བདག་པོ་ཉོན།། རྨད་འབྱུང་གསང
iiif viewer powered by OpenSeadragon
