| e-texts navigator |
| Wylie |
145b1 དེ་ཉིད་བརླག་པར་འགྱུར།། དེ་བཞིན་དམ་པར་བཅོས་པ་ཡིས།། ཁེ་དང་གྲགས་པ་རློམ་སེམས་ཕྱིར།། ལོག་སྲེད་དྲང་བའི་མཐུན་སྤྱོད་ལ།། ཡང་དག་དམ་པར་ངེས་བཟུང་ནས།། ཚིག་གི་ལམ་ཉིད་སྦྲང་སྤྱད་ན།།
145b2 བདག་ཕུང་གཞན་བརླག་དམན་པར་ངེས།། ཐམས་ཅད་གང་གི་ཐེག་ཚད་དང་། གོ་དང་རྟོགས་དང་ནུས་ཚད་དང་།། གང་དུ་འདུལ་ཚད་མ་གཏོགས་པ།། ཚད་ལས་འདས་ན་ཡུལ་མེད་དེ།། འདས་ན་འདས་པ་ཉིད་དུ
145b3 འགྱུར།། གང་ཡང་ཚད་ལས་འདས་པ་ནི།། ཟས་ཀྱང་དུག་ཏུ་འགྱུར་བཞིན་དུ།། དུག་ཆེན་ཟ་བའི་སྨྱོན་པ་དེ།། དམ་པས་ཀྱང་ནི་མི་རིགས་སོ།། གང་དག་གང་གིས་བཅིངས་པ་ལས།། དེ་ཉིད་མ་གྲོལ་མ་ཐར་པར།།
145b4 ཐམས་ཅད་ཐམས་ཅད་སྒྲོལ་བ་ཡི།། སླུ་བ་ཆེན་པོ་དེ་ཅི་ཞིག། དེ་ཉིད་མ་རིག་མ་གྲོལ་ཞིང་།། དེ་ཡི་སེམས་དག་མ་བྱུང་ན།། སངས་རྒྱས་ལ་ས་དེས་བཞག་ཀྱང་།། དེ་ཉིད་མཐོང་བ་དམྱལ་བའི་གནས།། དེ་རིག་དེ་ཡི
145b5 དོན་ལྡན་ན།། དམྱལ་ཆེན་དེ་དག་ཞིང་ཁམས་དག། གསང་བའི་སྙིང་པོ་ཀུན་ཁྱབ་ཀྱང་།། དེ་རིག་དེ་དང་མ་ལྡན་ན།། ལོང་བའི་མདུན་དུ་གཟུགས་བསྟན་ལྟར།། གཏི་མུག་འཁོར་བའི་མུན་པ་ཡིན།། དེ་སླད་གལ་དུ
145b6 དྲིས་པ་ལས། ཚངས་པའི་འོད་ཅེས་བྱ་བ་ཡི།། རྣལ་འབྱོར་དམ་པ་ཐེག་ཆེན་པོས།། རྣལ་འབྱོར་མོས་པ་ཆུང་སྤྱོད་པ།། གྲགས་པའི་ཚུལ་ལྡན་བྱ་བ་ལ།། དམ་པར་ངེས་པའི་ཚིག་སྨྲས་པ། གང་འདིར་མོས་པ་ཆུང
iiif viewer powered by OpenSeadragon
