| e-texts navigator |
| Wylie |
145a1 ཀྱང་།། འཚོ་དང་འཆི་བར་བྱེད་པའི་མཐུ།། དེ་ཉིད་མི་མཐུན་སོ་སོར་སྣང་།། དེས་ན་གང་འདིར་ལ་ལ་ཞིག། འབྱུང་བས་བསྐྱེད་པས་གཅིག་མཉམ་ཞེས།། དུག་ཀྱང་ཟ་ཞིང་བཏུང་ངམ་ཅི།། དེ་བཞིན
145a2 དམ་པ་དམན་པའི་ལས།། རང་བཞིན་མེད་པར་དོན་གཅིག་ཀྱང་།། མཉམ་ཞེས་དམ་པ་ཉིད་བཞག་ཅིང་།། དམན་པ་ཆེད་དུ་སྤྱོད་དམ་ཅི།། དེས་ན་དམ་པ་དམན་པ་དང་།། གཙང་དང་མི་གཙང་ཆེ་ཆུང་གཉིས།།
145a3 བཟང་ངན་བདེ་སྡུག་ལ་སོགས་དང་།། བསྟི་གནས་སྤྱད་བྱར་སྙོམས་མེད་པ།། མཉམ་སྦྱོར་རྟགས་སྤྱོད་ཡིན་ཞེ་ན།། དུག་དང་ཁ་ཟས་བདེ་སྡུག་རྣམས།། མི་མཉམ་མཉམ་པར་ག་ལ་སྙོམས།། མ་བཅོས་མཉམ་པའི
145a4 ཆོས་ཉིད་ལ།། གློ་བུར་ལས་ཀྱིས་མི་མཉམ་སྟེ།། ནམ་མཁའ་དྲི་མེད་ཡེ་ནས་གསལ།། དག་པར་བྱ་ཕྱིར་འཁྲུ་འདོད་འདྲའོ།། གང་དུ་ནད་རྣམས་འཇོམས་པའི་སྨན།། ནད་མེད་རྣམས་ཀྱི་དུག་ཏུ་འགྱུར།། ལྷ་ལོག
145a5 འཇིག་རྟེན་དྲང་བའི་ཐབས།། རྣལ་མར་སྤྱོད་ན་ཉེས་པར་ངེས།། མཐུན་འཇུག་སྤྱོད་པ་དྲང་བའི་ཐབས།། གང་གི་དབང་དུ་སྤྱོད་བྱེད་པ།། གང་སྟོབས་རིག་དང་ལྡན་པ་ཡིས།། མི་མཐུན་བཅོས་ནས་མཐུན་འགྱུར
145a6 བཞིན།། ཚིག་མཐུན་དོན་ལྡན་དམ་པ་ཡིས།། ཇི་ལྟར་རིགས་པ་དེ་ལྟར་ངེས།། ཇི་ལྟར་ཞུམ་པས་ཁེ་བརྐམ་གྱི།། གྲགས་པ་འདོད་ཕྱིར་གདེང་མེད་པར།། གཡུལ་ཞུགས་སྟོབས་རིག་འགྲན་བཟླས་ན།། གཞན་དབང
iiif viewer powered by OpenSeadragon
