| e-texts navigator |
| Wylie |
144b1 བྱེད་པ་རྣམས།། སྟེང་དུ་མི་འབབ་གོལ་སར་འགྲོ།། སྐུ་གསུང་ཐུགས་ཀྱི་སླུ་བྱེད་ཡིན། ལང་ཀའི་བདག་པོ་དེ་ལྟར་ན།། དེ་སྐད་གསང་བ་མཆོག་དེས་བཤད།། གཞན་ཡང་ཐབས་ལྡན་འདི་ལྟ་སྟེ།། དེ་ནས་འཁོར་དེར
144b2 འདུས་གྱུར་པའི།། རྣལ་འབྱོར་ཐེག་པ་མཆོག་སྤྱོད་པའོ།། ཚངས་པའི་འོད་ཅེས་བྱ་བ་ལ།། གང་དེར་མོས་པ་ཆུང་སྤྱོད་པའི།། རྣལ་འབྱོར་གྲགས་ལྡན་ཞེས་བྱ་བས།། འདི་སྐད་གལ་དུ་དྲི་བ་དྲིས།། དམ་པར་སྤྱོད་པ
144b3 ཚངས་པའི་འོད།། གང་འདིར་དམ་པ་སྤྱོད་དོ་ཞེས།། ཤིན་ཏུ་དམན་པའི་ལས་སྤྱོད་པ།། དེ་ཡི་སྨན་པ་ཐ་དད་ཕྱིར།། མུན་པར་སྣང་བར་མི་འགྱུར་ཞིང་།། དམན་པ་དག་པ་ག་ལ་འགྱུར།། དཔེར་ན་མཐོ་སར་བགྲོད
144b4 འདོད་པ།། གཞོལ་ཕྱོགས་ལམ་དུ་འབབ་པ་བཞིན།། གོ་འཕང་ཆེན་པོ་མཐོང་འདོད་པ། ངན་འགྲོ་ཡ་ངའི་རྒྱུན་དུ་ཞུགས།། གང་ཞིག་བཏུང་བའི་ཆུ་འདོད་པ། སྨིག་རྒྱུ་བསྙགས་པའི་ཚིམ་མེད་ལྟར།། དམན་པ་དམ
144b5 པར་སྨིན་འདོད་པ།། མཉམ་ལ་དམན་སྤྱོད་འགྱུར་མ་ཡིན།། སྦྲུལ་འབྲས་ཁྱུང་གིས་བརྣོས་འགྱུར་ཡང་།། ཕྱིན་ཅི་ལོག་འགྱུར་མི་སྲིད་པས།། དེ་ཉིད་ཁོ་ན་སྣང་བ་བཞིན།། དམན་པ་དམ་པར་འགྱུར་མི་སྲིད།། གང་གི
144b6 གསང་བ་ལས་ལོག་པའི།། གང་འདིར་ལོག་སྤྱོད་དམན་པ་དག། ཐམས་ཅད་རང་བཞིན་མེད་སྟོང་པས། ཉོན་མོངས་བྱང་ཆུབ་སྟོང་མཉམ་ཟེར།། འཚོ་བའི་སྨན་དང་འཆི་བའི་དུག། འབྱུང་བས་བསྐྱེད་པར་རྒྱུ་གཅིག
iiif viewer powered by OpenSeadragon
