| e-texts navigator |
| Wylie |
144a1 བྱུང་བ།། ལོག་ལྷ་གཅིག་ཏུ་ཞེན་སེམས་པ། ཆར་ཀ་ནག་པོ་ཀུན་རྨོངས་པའོ།། གང་འདིར་བཅིང་བ་གནས་བཅིངས་ནས།། རང་གི་ཆེ་བའི་ཐབས་བཟུང་སྟེ།། རྟོག་དཔྱོད་ཙམ་ཡང་མི་འཇུག་པ།། གླང
144a2 ཆེན་མྱོས་པ་རྨོངས་འདྲ་འབྱུང་།། དེ་ཡང་ཇི་ལྟ་བུ་ཞེ་ན། འདས་པའི་དུས་ན་སྔོན་བྱུང་བ། བདག་ཉིད་གཅིག་པུར་ཆོས་སྨྲ་བ།། ལོག་ཕྱོགས་གཅིག་པུར་སྤྱོད་པའོ།། གང་དུ་དམུས་ལོང་ལམ་ཞུགས་པ།། ཡིད་ཀྱིས
144a3 གོམས་པའི་ཚད་དཔགས་ནས།། ཉམ་ངའི་ལམ་དུ་རྒྱུག་པ་ལྟར།། ཚོད་དཔགས་ཙམ་ལ་གཙོར་འཛིན་འབྱུང་།། དེ་ཡང་ཇི་ལྟ་བུ་ཞེ་ན།། འདས་པའི་དུས་ན་སྔོན་བྱུང་བ།། གང་དུ་མུན་པས་ཟིན་པ་ཡི།། བརྟུལ་ཞུགས
144a4 མཆོག་འཛིན་ལྔ་སྡེ་པའོ།། ལུང་མེད་རྣལ་འབྱོར་སྒོམ་པ་དང་།། ཆོས་མེད་ཆོས་སུ་སྨྲ་བ་དང་།། སྡིག་ཅན་སྨྱོན་པའི་བརྟུལ་ཞུགས་ལ།། དཔའ་བརྟུལ་སྤྱོད་པ་ཆེར་སྤྱོད་འབྱུང་།། དེ་ཡང་ཇི་ལྟ་བུ་ཞེ་ན། འདས་པའི་དུས
144a5 ན་སྔོན་བྱུང་བ།། གང་གི་ཚད་མས་མ་གཞལ་བའི།། མུ་ཅོར་སྨྲ་བ་སྡེ་བཞི་པའོ།། དོན་མེད་འདུག་ལ་བརྩོན་པ་དང་།། ལུགས་མ་ལ་སོགས་གཟུགས་བརྙན་དག། དམིགས་པའི་མཚན་མར་འཛིན་པ་ཡི།། གང་དུ
144a6 རིགས་པའི་རི་བོ་འགྱུར།། དེ་ཡང་ཇི་ལྟ་བུ་ཞེ་ན།། འདས་པའི་དུས་ན་སྔོན་བྱུང་བ།། གང་དུ་རྒྱུ་བ་ཀུན་བཀག་པ།། མཉམ་པར་འཇུག་པ་བདུན་སྡེ་པའོ།། སྦས་པའི་དོན་རྣམས་སྒྲ་བསྒྱུར་ནས།། དཔྱོད་ཁོངས་ཙམ་དུ
iiif viewer powered by OpenSeadragon
