| e-texts navigator |
| Wylie |
142b1 ནོར་བའི་ལམ་དུ་བྱུང་བ་ཡང་ཡོད་པས་འདུས་པ་ཆེན་པོའི་ཚོགས་གང་གསང་བ་དམ་པ་ངོས་ཟིན་པའི་ཐབས་ཀྱི་སྤྲིན་ཆེན་པོས་སྤྱད་པ་སྤྱོད་པ་ལ་མཁས་པར་གྱིས་ཤིག། དེ་སྐད་ཅེས་བཀའ་སྩལ་པ་དང་། འདུས་པའི
142b2 ཚོགས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་གང་དུ་གསང་སྔགས་ལོག་པའི་ལམ་ནི་གང་ལགས། གང་མ་ནོར་བའི་ལམ་པ་ནི་གང་ལགས། བདག་ཅག་རྣམས་ལ་རྒྱ་ཆེར་བཤད་དུ་གསོལ། དེ་སྐད་ཅེས
142b3 གསོལ་པ་དང་། ལང་ཀའི་བདག་པོ་བཅོམ་ལྡན་འདས་དེས་འདུས་པ་ཆེན་པོའི་ཚོགས་ལ་བཀའ་སྩལ་པ། འདུས་པ་ཆེན་པོའི་ཚོགས་འདི་ལྟ་སྟེ། བརྒྱུད་དེ་གྲགས་པས་གང་སྤྱོད་པ། གསང་སྔགས་གསང་བའི་སྙིང
142b4 པོ་འདི།། ཇི་ལྟ་དེ་ལྟར་གཏན་ལ་དབབ།། འདི་ནི་ཡང་དག་གསང་བའི་ལམ།། གང་དུ་ལོག་པའི་ཆོས་རྣམས་དང་།། གསང་སྔགས་གསང་བའི་སྙིང་པོ་གཉིས།། བཏགས་པ་མིང་གི་སྒྲ་གཅིག་ཕྱིར།། ངེས་པའི་རྟགས
142b5 དེ་ཟིན་པར་བྱ།། ཐེག་པ་ཆེན་པོའི་གསང་སྔགས་འདི།། མཐུན་འཇུག་ཐབས་ཀྱིས་སྒྲར་བསྟན་པས། ཕྱི་རོལ་གཞན་དུ་འགྱུར་སྲིད་ཕྱིར།། ཚིག་དང་སྒྲ་ལ་དོན་མི་བཞག། དམ་པ་རྣམས་ཀྱི་དགོངས་པ་འདི།།
142b6 དཔེའམ་ཚད་མའམ་གཏན་ཚིགས་སམ།། རྗེས་སུ་དཔག་པའི་ཤེས་རབ་ཀྱིས།། རྟོགས་པར་ནུས་པ་མ་ཡིན་ནོ།། དགོངས་དོན་གསང་བའི་སྙིང་པོ་ལ། གང་གི་བློ་ནི་མ་འབྱོར་པས།། སུ་ཞིག་སྨྲ་བར་བརྩོན་པ་དེ།།
iiif viewer powered by OpenSeadragon
