| e-texts navigator |
| Wylie |
141b1 གསང་བ་པའི་བདག་པོ་གང་གིས་གང་ལ་བརྒྱུད་དེ་གྲགས་པའི་གསང་བ་དམ་པ་དེ་སྔོན་དུ་བྱུང་བ་སྤྱད་པ་སྤྱོད་པ་གྲགས་པའི་གཏམ་རྒྱུད་ཇི་སྐད་བརྗོད་པ་རྣམ་པར་བརྗོད་པ་ལགས་ཞེས་སྨྲས་པ་ལས། གསང་བ
141b2 པའི་བདག་པོས་སྨྲས་པ། ལང་ཀའི་བདག་པོ་སྔོན་དུ་བྱུང་བའི་རྒྱུད་གསང་བ་དམ་པ་སྤྱད་པ་སྤྱོད་པར་གྲགས་པ་ནི་འདི་ལྟ་སྟེ། གང་འདུས་པའི་ཚོགས་ཀྱིས་བཅོམ་ལྡན་འདས་གསང་བ་མཆོག་གི་བདག་པོ་དེ་ལ
141b3 གསོལ་པ། བཅོམ་ལྡན་འདས་གསང་བ་དམ་པ་གང་གིས་སྤྱད་པས་ལེགས་པ་དང་། ཉེས་པའི་སྤྱོད་པ་ཇི་ལྟ་བུར་འཚལ་བར་བགྱི། དེ་སྐད་ཅེས་གསོལ་པ་དང་། ལང་ཀའི་བདག་པོ་བཅོམ་ལྡན་འདས་དེ་བཀའ་སྩལ
141b4 པ། འདུས་པ་ཆེན་པོའི་ཚོགས་གསང་སྔ་དམ་པ་གང་གིས་སྤྱད་པ་སྤྱོད་པ་ནི་རབ་ཏུ་དཀའ་བར་ཤེས་པ་གྱིས་ཤིག། དེ་ཅིའི་ཕྱིར་ཞེ་ན། གསང་བ་དམ་པ་ནི་ཤིན་ཏུ་མེ་དང་འདྲ་སྟེ། ཇི་ལྟར་མེ་ནི་རྒྱུན་དུ་བཅངས་ཤིང
141b5 སྤྱད་ལེགས་ན་ཇི་ལྟར་བ་བཞིན་དུ་རྒྱུན་དུ་སྤྱད་པས་འདོད་པ་འབྱུང་ངོ་།། མེ་ཉིད་ཇི་ལྟར་བ་དེ་བཞིན་དུ་སྤྱད་ཉེས་ན་མེ་ཡི་ཕུང་པོ་ཆེན་པོར་གྱུར་ཏོ།། གང་སྤྱོད་པར་བྱེད་པ་དེ་ཡང་བསྲེགས། ཁྱིམ་ནས་ཁྱིམ་ཡང
141b6 བསྲེགས།། རྫས་ཀྱི་དངོས་པོ་ཐམས་ཅད་ཀྱང་ཚིག་པར་འགྱུར་རོ།། དེ་བཞིན་དུ་གསང་སྔགས་འདི་ནི་ཆུ་དང་འདྲ་སྟེ། ཆུ་གང་གི་ཐབས་ཀྱིས་ཟིན་ན་ཇི་ལྟར་འདོད་པ་བཞིན་དུ་འབྱུང་ངོ་།། གང་ཆུའི་རང་བཞིན་དང
iiif viewer powered by OpenSeadragon
