| e-texts navigator |
| Wylie |
140a1 གཟུང་། དེའི་ཕྱིར་ཆོས་ཐམས་ཅད་ངེས་པ་མེད་པར་ང་སྨྲའོ།། དེ་ནས་འདུས་པའི་ཚོགས་ཀྱིས་གསོལ་པ། འོ་ན་བཅོམ་ལྡན་འདས་བདག་ཅག་གི་དམ་ཚིག་རྣམས་ངེས་པས་བཟུང་ན་ཇི་ལྟར་བུ་ལགས།།
140a2 བཅོམ་ལྡན་འདས་ཀྱི་བཀའ་སྩལ་པ། འདུས་པའི་ཚོགས་འདི་ལྟ་སྟེ།། མཚམས་མེད་ལྔ་ཡི་དམ་ཚིག་ནི།། དམ་ཚིག་ཏིང་འཛིན་ཤེས་རབ་དང་། བྱང་ཆུབ་སེམས་དང་སྙིང་རྗེ་ལྡན།། བར་མཚམས་མེད་པར་རྒྱུན་མི
140a3 གཅད།། འདི་ནི་མཚམས་མེད་དམ་ཚིག་ཡིན།། ཆགས་པ་ཆེན་པོའི་དམ་ཚིག་ནི།། འཁོར་བ་དང་ནི་ཆོས་ཉིད་ལས།། ཤེས་རབ་སྙིང་རྗེའི་མི་གཏོང་བ།། འདི་ནི་ཆགས་པའི་དམ་ཚིག་ཡིན།། མ་དང་བུ་མོ་སྲིང་མོ་ནི།།
140a4 ཆོས་ཉིད་དང་ནི་ཡེ་ཤེས་ལྔ།། རང་ལས་བྱུང་བའི་ཤེས་རབ་ནི།། དེ་བཞིན་ཉིད་ཀྱི་གཟུངས་སུ་བཤད།། གང་ལ་སྐྱེ་བ་མེད་བསྟན་ན།། སྲོག་གི་དབང་པོ་མི་ལེན་པའི།། སྐྱེ་བའི་རྒྱུན་ནི་ཆད་པ་དང་།། ཐམས་ཅད་སྟོང
140a5 པར་བཅོམ་པ་ནི།། སྲོག་བཅད་པ་ཞེས་དེ་ལ་བྱ།། དངོས་པོ་མེད་པས་དངོས་པོར་སྟོན།། དངོས་པོར་སྣང་ལ་མེད་སྨྲ་བ།། རྒྱལ་བ་ཀུན་གྱི་བཀའ་ཡིན་ཏེ།། སླུ་བའི་དམ་ཚིག་ཆེན་པོ་ཡིན།། གཞན་གྱི་ཡིད་བཞིན་ནོར
140a6 བུ་ལ།། རྗེས་སུ་མོས་པའི་འོད་ཟེར་གྱིས།། བླངས་ནས་བྱང་ཆུབ་འཇོག་པ་དང་།། དེ་ཉིད་ལྕགས་ཀྱིས་ལེན་པ་ནི།། མ་བྱིན་ལེན་པའི་དམ་ཚིག་ཡིན།། དེ་ཉིད་ཆེན་པོ་དེ་འདོད་པས།། མཚན་མར་ཞེན་ལས་ལོག་སྤྱོད
iiif viewer powered by OpenSeadragon
