| e-texts navigator |
| Wylie |
13a1 བསྟན་པའི།། འགྲོ་བ་ལུས་ཀྱི་སེམས་དཔའ་རྣམས།། གདུང་སྔགས་དྲི་བ་དང་བཅས་པའི།། སྒྱུ་མའི་རྟོག་པ་དགྲོལ་གྱིས་ཉོན།། སེམས་ཀྱི་དཀྱིལ་འཁོར་དེ་བཞིན་ཉིད།། ནམ་མཁའ་བཞིན་དུ་ནུབ་པ
13a2 མེད།། རང་བཞིན་ཡེ་ནས་འོད་གསལ་བས།། དེ་ལ་གང་སྒྲིབ་དེ་ཉིད་སེལ།། ཚད་མ་གཉིས་ཀྱིས་གང་གཞལ་བ།། ཤེས་བྱ་དེ་ཡང་ཚད་མར་འགྱུར།། ལེགས་ཉེས་རྩ་བའང་དེ་ཉིད་པས།། དེ་ཉིད་དེ་ལ་འགྱུར་བ
13a3 མེད།། སེམས་ཀྱི་རང་བཞིན་འོད་གསལ་བས།། དཀར་བས་དཀར་བའི་ཉི་ཟླ་མེད།། སངས་རྒྱས་མྱ་ངན་ཡོང་མི་འདའ།། ཆོས་ཀྱང་ནུབ་པར་མི་འགྱུར་ཏེ།། ལེ་ལོ་ཅན་ལ་ཕན་གདགས་ཕྱིར།། སྤྲུལ་པ་རྣམས་ནི
13a4 འདའ་ཚུལ་སྟོན།། ཇི་ལྟར་ནམ་མཁའ་ཞིག་འགྱུར་ན།། དེ་ཚེ་མྱ་ངན་འདས་པར་འགྱུར།། གང་ཟག་གདུག་པ་མ་རུངས་པ།། བདག་མེད་སྟོང་པའི་སྟོབས་ཀྱིས་འདུལ།། རང་བཞིན་འོད་གསལ་སྤྲོས་བྲལ
13a5 བཔབའི།། བསྟན་པ་རྒྱ་མཚོའང་དེ་ཉིད་པས།། རང་འབྱུང་སེང་གེ་རྩན་ཅན་གྱིས།། ཀུན་དུ་འབར་ཞིང་སྣང་བར་བྱེད།། བསླབ་པ་ལྷག་པའི་སེམས་ཉིད་པས།། བསྒྲུབ་པ་ཀུན་གྱི་མཆོག་འདི་ནི།། ས་རབ་སྣང་བ་ཕྱིས
13a6 འབྱུང་བའི།། འགྲོ་བ་ལུས་ཀྱི་སེམས་དཔའ་འཛིན།། མཐའ་ཐུག་མེད་པའི་སེམས་ཅན་རྣམས།། བྱང་ཆུབ་སྙིང་པོར་ཡེ་གནས་པས།། དེ་བཞིན་ཉིད་དུ་རྒྱུད་དེས་ཕྱིར།། ཀུན་ཀྱང་མི་སློབ་དེ་ལུང་སྟོན།། སེམས་ཉིད
iiif viewer powered by OpenSeadragon
