| e-texts navigator |
| Wylie |
138a1 ཆགས་པའི་ལས་སམ་སྦྱོར་བ་དག། ཆགས་པའི་དབང་གིས་དེར་རྨོངས་ཏེ།། དེ་དག་དེ་ཡི་གྲོང་ཁྱེར་དུ།། གནས་འགྱུར་དེ་ཡི་སེམས་ཅན་ཡིན།། གང་དུ་སྡང་བས་གསོད་པའི་ལས།། གང་གི་ལུས་ལ
138a2 སྲོག་ཕྲལ་ནས།། ཤན་པ་གསོད་པའི་རིགས་དག་ཏུ།། ལྟུང་འགྱུར་སྡུག་བསྔལ་རྩ་བ་ཡིན།། རྒྱལ་བ་རྣམས་ནི་རྣམ་དག་པས།། གང་ཚེ་བདེར་གཤེགས་རྒྱལ་བའི་ཞལ།། སྨད་པའི་རྫས་ནི་སྣ་ཚོགས་ཀྱིས།། ཡོངས་སུ
138a3 བསྟབས་པ་གང་བྱིས་པ།། དེ་ཚེ་ནི་རྣམ་སྨིན་གྱིས།། ཟར་མེད་ནད་ཀྱིས་བཟུང་ནས་ནི།། ངན་སྐྱུགས་འདམ་དུ་བྱིང་བར་འགྱུར།། ཤ་དང་ཁྲག་ལ་སོགས་པའི་ཟད།། རྐུ་བའི་རྔད་ཟས་ཆེན་པོ་སྟེ། གང་གིས་ཟོས་པའི
138a4 ལུས་རྣམས་ལ།། དྲི་ཡིས་འཚོ་བ་ཀུན་འདུས་ནས།། མདངས་དང་བཅུད་རྣམས་འཕྲོག་པར་བྱེད།། དེས་ནི་གཟི་མདངས་ཡལ་བྱེད་འགྱུར།། དེ་ཉིད་རིན་ཆེན་ཡོད་བཞིན་དུ།། གཞན་གྱི་རིན་ཆེན་སྤྱོད་ལེན་པ།། ལོག
138a5 པས་ལོག་པར་འཚོ་བའི་ཆོས།། དེ་དག་མདུད་པ་དམ་པོ་ཡིན།། དཀར་ནག་ལས་ལ་ཁྱེད་མེད་ཅེས།། ཐམས་ཅད་ཁྲ་བོར་སྤྱོད་པ་ནི།། རིགས་མེད་རིགས་ཆད་ལོག་པའི་རིགས།། འབྲས་བུ་ལོག་པའི་ཁམས་སུ
138a6 འགྱུར།། བདེར་གཤེགས་མཉེས་བྱའི་ལས་རྣམས་ལ།། ཡན་ལག་ཚིག་ཏུ་མ་དག་ན།། ཉེས་བྱས་ལས་ཀྱི་རྒྱུ་དེས་ནི།། གང་གི་དུས་རྣམས་ཐམས་ཅད་དུ།། དབང་པོ་ཡན་ལག་མ་ཚང་ཞིང་།། དྲན་པའི་སྙིང་པོ་ཉམས
iiif viewer powered by OpenSeadragon
