| e-texts navigator |
| Wylie |
137b1 རྒྱལ་པོ་ལགས་སོ།། བདག་ཅག་མ་བཅོས་པའི་དམ་ཚིག་ཏུ་གཟུང་དུ་གསོལ་ཞེས་གསོལ་པ་ལས།། ལང་ཀའི་བདག་པོ་བཅོམ་ལྡན་འདས་དེ་བཀའ་སྩལ་པ། ཨ་ཧོ། ཡིན་ནོ།། ལེགས་སོ།། གཏད་དོ།། དམ་ཚིག
137b2 དམ་པ་དེ་ཉེ་བར་ཟུང་ཤིག། ཏིཥྛ་བཛྲ་མ་ས་ཡ་སྟྭཾ་ཞེས་གང་དེ་ཉིད་ལས་མི་འདའ་བར་གཟུང་ངོ་།། ལང་ཀའི་བདག་པོ་དེ་ནས་ཡང་འདུས་པའི་ཚོགས་ཀྱིས་བཅོམ་ལྡན་འདས་དེ་ལ་གསོལ་པ།། བཅོམ་ལྡན་འདས
137b3 བཅོམ་ལྡན་འདས་ནི་བདག་ཅག་རྣམས་ཀྱི་སྒྲོན་མ་ལགས་ན།། བདག་ཅག་རྣམས་རང་རང་གི་དམ་ཚིག་འདི་ལ་གནས་ན་རིགས་ནི་གང་འཛིན་པར་འགྱུར།། གོ་འཕང་ནི་གང་དུ་ཐོབ་པར་འགྱུར་བ་ལགས།། བདག
137b4 ཅག་རྣམས་ལ་བསྟན་དུ་གསོལ་ཞེས་གསོལ་པ་ལས། ལང་ཀའི་བདག་པོ་བཅོམ་ལྡན་འདས་དེས་བཀའ་སྩལ་པ། འདུས་པའི་ཚོགས་རང་རང་གི་དམ་ཚིག་ལ་གནས་ན་ཇི་ལྟར་འགྱུར་བ་དག་བཤད་ཀྱིས་ཉོན་ཅིག།
137b5 ཨེ་མའོ་ཐོད་པ་ཅན་གྱི་ཚོགས། ཁྱོད་ཀྱིས་སྨྲས་པ་ཚིག་འདི་རྣམས།། མདུད་པས་བཅིངས་པའི་ཚིག་ཡིན་ཏེ།། ནམ་ཡང་གྲོལ་བར་མི་འགྱུར་རོ།། ཡང་དག་ཡང་དག་ཅེས་སྨྲ་བ། ཡང་དག་ཉིད་ཀྱང་མདུད་པ་སྟེ།།
137b6 མདུད་པ་དགྲོལ་བར་མ་བྱས་ན།། ཐ་རམ་ཕྱེད་པར་མི་འགྱུར་རོ།། མཚམས་མེད་ལ་སོགས་བྱེད་པ་དང་།། གཞན་གྱི་སྡེ་པ་འཇོམས་པ་ཡིས།། རྣམ་པར་གྲོལ་བར་མི་འགྱུར་ཏེ།། འདི་ནི་བདུད་ཀྱི་ལས་ཞེས་བཤད།།
iiif viewer powered by OpenSeadragon
