| e-texts navigator |
| Wylie |
136b1 དུ་གསུངས།། གསོད་ལ་དགའ་བ་གང་དག་གིས།། སྲོག་གི་དབང་པོ་རྒྱུན་བཅད་ནས།། ཤ་རུས་ཟ་ཞིང་ཁྲག་འཐུང་བ།། ཡང་དག་དམ་ཚིག་ཆེན་པོ་ཡིན།། ནོར་གྱི་བདག་པོའི་གཏེར་ཁུངས་ནས། གསེར་ལ་སོགས
136b2 པ་མ་བྱིན་པར།། བླངས་ནས་འདོད་པའི་ལོངས་སྤྱོད་པ།། འདི་ནི་ཡང་དག་དམ་ཚིག་ཡིན།། རྣལ་འབྱོར་རིག་པའི་བློ་ཅན་གྱིས།། གང་གིས་མགོ་ཐོད་བཅད་ནས་ནི།། དུར་ཁྲོད་སྣོད་ལ་ཆོས་ཤེས་པ།། ཡང་དག་ལྟ
136b3 བའི་དམ་ཚིག་སྟེ།། འདོད་པའི་དམ་ཚིག་དམ་པའོ།། བ་ལང་ཁྱི་ཤ་རྟ་ཤ་དང་།། ཤ་ཆེན་གླང་པོ་མཆོག་ཡིན་ཏེ།། རྣལ་འབྱོར་ཆེན་པོའི་ཟས་ཡིན་པས།། གཞན་ནི་བཟའ་བར་མི་བྱའོ།། དམར་ཆེན་ཁྲག་གི་རྒྱ་མཚོ་ལ།།
136b4 གང་ཞིག་འཐུང་བར་བྱེད་པ་དེ།། ཁྲག་འཐུང་ཀུན་གྱི་དམ་ཚིག་སྟེ། ཟད་པར་འཐུང་ན་གཟི་བྱིན་ཆེ།། བྲོ་གར་གླུ་ཚིགས་ལ་སོགས་པས། བུད་མེད་ཐམས་ཅད་བསྟེན་ནས་ནི།། འདོད་པས་ལོག་པར་སྤྱོད་འགྱུར་བ།།
136b5 ཆོས་ཉིད་དམ་ཚིག་ཆེན་པོ་ཡིན།། གང་ཉིད་གཏིང་དཔག་དཀའ་བའི་ཕྱིར།། མེད་ལས་ཡོད་སྒྲ་ཡོད་ལས་མེད།། ཡུལ་ལ་མཐུན་འཇུག་བརྫུན་སྨྲ་བ།། སངས་རྒྱས་བཀའ་ཡི་དམ་ཚིག་ཡིན།། གང་དག་ཐོག་མ་མེད་པ
136b6 ནས།། གང་འཁྱམས་རང་གིས་ཉེས་པའོ་ཞེས།། སྤྲོ་བརྒྱད་དག་ནི་རྫུན་སྨྲ་བ།། སངས་རྒྱས་གསུང་གི་དམ་ཚིག་ཡིན།། བྱེ་བྲག་ཐམས་ཅད་གཅིག་པས་ན།། ལས་ཀྱི་དབང་དུ་མི་འགྱུར་བ། མ་ནོར་མ་བཅོས་དམ
iiif viewer powered by OpenSeadragon
