| e-texts navigator |
| Wylie |
135b1 ཆགས་དག་ནི་ཐམས་ཅད་ཀུན།། བསད་པའི་ཁྲག་ནི་དྲོན་མོ་དག། འཐུངས་ནས་གཟིག་བཞིན་འབར་བར་འགྱུར།། བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ།། དེ་ནས་ཕྲ་མེན་མ་རྣམས་ཀྱིས་འདི
135b2 སྐད་ཅེས་གསོལ་ཏོ།། ཆོ་འཕྲུལ་ཆེན་པོའི་མངའ་བདག་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། ཟོད་རུས་རྐང་དག་འབྲུ་མར་ཁྲག། ཆང་དང་ཨ་མྲི་ཏར་སྦྱར་བ།། རྫུ་འཕྲུལ་གྲུབ་པའི་དམ་རྫས་ཏེ།། བདག་ཅག
135b3 རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ།། དེ་ནས་རིགས་ངན་ངན་སྐྱུགས་ཅན་རྣམས་ཀྱིས་འདི་སྐད་ཅེས་གསོལ་ཏོ།། གཏུམ་རྔམས་ཆེན་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། ཤ་ཆེན་བཤང་གཅི
135b4 ཁུ་བ་ཁྲག་བདུད་རྩི་འཁྱིལ་བའི་དམ་རྫས་ཏེ།། ནད་རྣམས་མ་ལུས་འཇོམས་པར་བྱེད།། བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ།། དེ་ནས་བུད་མེད་རྣམས་ཀྱི་ཚོགས་ཀྱིས་འདི་སྐད་ཅེས་གསོལ་ཏོ།།
135b5 སྒེག་པོ་ཆེན་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ།། བྲོ་གར་གླུ་ཚིག་སྙན་དངགས་དང་།། འཇོ་ཚུལ་སྟབས་ཀྱིས་ཡིད་ཕྲོགས་ཏེ།། བསྟེན་པ་ཐབས་ཀྱིས་འཁྲིག་སྤྱོད་པ།། འདི་དག་འདའ་བའི་དམ་ཚིག་སྟེ།།
135b6 བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ།། དེ་ནས་ཤོ་པར་བའི་ཚོགས་ཀྱིས་འདི་སྐད་ཅེས་གསོལ་ཏོ།། ངག་གི་དབང་ཕྱུག་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། གཞན་གྱིས་དཔག་པར
iiif viewer powered by OpenSeadragon
