| e-texts navigator |
| Wylie |
135a1 དམ་ཚིག་ནི་འདི་ལྟ་སྟེ། སེམས་ཅན་སེམས་ཅན་ཐམས་ཅད་ཀྱི།། སྲོག་ནི་ཤིན་ཏུ་ཕྲོགས་ནས་ཀྱང་།། ཤ་དང་ཁྲག་ལ་ལོངས་སྤྱོད་པ། བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ།། དེ
135a2 ནས་གནོད་སྦྱིན་གྱི་སྡེ་དཔོན་རྣམས་ཀྱིས་འདི་སྐད་ཅེས་གསོལ་ཏོ།། འཇིག་བྱེད་ཆེན་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། ནོར་གྱི་བདག་པོ་ཐམས་ཅད་ལ། གསེར་ལ་སོགས་པ་བླངས་ནས་ནི།། རང་གི
135a3 འདོད་པར་ལོངས་སྤྱོད་པ།། བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ།། དེ་ནས་རྟོག་པ་ཅན་རྣམས་ཀྱིས་འདི་སྐད་ཅེས་གསོལ་ཏོ།། ཡིད་བཞིན་རྟོག་པའི་རྒྱལ་པོ་བདག་ཅག་རྣམས་ཀྱི་དམ་ཚིག་ནི
135a4 འདི་ལྟ་སྟེ། གང་གི་མགོ་ཐོད་བཅས་ནས་ནི།། དགེ་མཚན་རྟགས་དེ་སུ་འཆང་བ།། ཡིད་བཞིན་ནོར་བུ་ལྟ་བུར་འགྱུར།། བདག་ཅག་རྣམས་ཀྱི་དམ་ཚིག་དེ་ལགས་སོ།། ཞེས་གསོལ་ཏོ།། དེ་ནས་རིགས་ངན་སྨེ་ཤ་ཅན
135a5 རྣམས་ཀྱི་ཚོགས་ཀྱིས་འདི་སྐད་ཅེས་གསོལ་ཏོ།། མངའ་ཟང་རྫོགས་པའི་རྒྱལ་པོ་བདག་ཅག་རྣམས་དམ་ཚིག་ནི་འདི་ལྟ་སྟེ།། བ་ལང་ཁྱི་ཤ་རྟ་ཤ་དང་།། མི་ཤ་གླང་ཆེན་ཤ་ལ་སོགས།། ཟོས་ན་ཡོན་ཏན་ཐམས་ཅད
135a6 འགྲུབ།། བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ།། དེ་ནས་སྲིན་མོ་ཁྲག་འཕྲོག་མ་རྣམས་ཀྱིས་འདི་སྐད་ཅེས་གསལ་ཏོ།། ཁྲག་འཐུང་རྒྱལ་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། སྲོག
iiif viewer powered by OpenSeadragon
