| e-texts navigator |
| Wylie |
134a1 མགོན་རྡོ་རྗེ་སྙིང་པོ་ཡིས།། ནག་པོ་རང་ཐག་འཁོར་བ་ཅན།། གདུལ་བྱའི་ཞིང་དུ་སྨིན་མཛད་ཚེ།། སྨིན་དང་མ་སྨིན་འདུས་པའི་འཁོར།། ཀུན་ནས་འདུས་པར་གྱུར་པ་ལ།། ཡང་དག་གསང་བའི་དོན
134a2 འདི་གསུངས།། ལང་ཀའི་བདག་པོ་དེའི་ཚེ་དེའི་དུས་ན་ཡོངས་སུ་རྫོགས་པར་ངོས་མ་ཟིན་པའི་སྲས་དེ་དག་ཡོངས་སུ་རྫོགས་པར་ངོས་གཟུང་བའི་སླད་དུ་གསང་བ་རྣམ་པར་བསྐུལ་བ། འདུས་པ་ཆེན་པོའི་ཚོགས
134a3 ཁྱོད་ཡོངས་སུ་རྫོགས་པར་ངོས་མ་ཟིན་པ་ཡེ་ནས་ཡོངས་སུ་རྫོགས་པར་ངོས་གཟུང་བའི་ཕྱིར་མ་བཅོས་པའི་དམ་ཚིག་ཉེ་བར་ལོང་ཤིག་ཅེས་བཀའ་སྩལ་པ་དང་། འདུས་པའི་ཚོགས་རྣམས་ཀྱིས་གསོལ་པ། བཅོམ
134a4 ལྡན་འདས་དེ་ཉིད་ཉེ་བར་གཟུང་བའི་སླད་དུ་མ་བཅོས་པའི་དམ་ཚིག་ཅེས་བགྱི་བ་དེ་ཇི་ལྟ་བུ་ལགས། ཇི་ལྟར་ཉེ་བར་གཟུང་བར་བགྱི། དེ་སྐད་ཅེས་གསོལ་པ་ལས། བཅོམ་ལྡན་འདས་ཀྱི་བཀའ་སྩལ་པ། འདུས་པ
134a5 ཆེན་པོའི་ཚོགས་གང་མ་བཅོས་པའི་དམ་ཚིག་ནི་འདི་ལྟ་སྟེ། མ་ནོར་མ་བཅོས་དམ་ཚིག་ནི། དེ་བཞིན་ཉིད་ཀྱི་ཆོས་ཉིད་ལ།། བློ་བཞག་དེ་ལ་མི་འདའ་བ།། རྒྱལ་བ་རྣམས་ཀྱི་དམ་ཚིག་གོ། ཅེས་བཀའ་སྩལ་པ་ལས།།
134a6 འདུས་པའི་ཚོགས་རྣམས་ཤིན་ཏུ་སྐྲག་ཅིང་དངངས་ནས་ཡོངས་སུ་མ་རངས་ཏེ། ཨེ་མའོ་སྒྱུ་མའི་བདག་པོ་ཞིག་གིས་བདག་ཅག་བསླུས་སོ།། བདག་ཅག་སོ་སོའི་མོས་པ་སྣ་ཚོགས་པ་རྣམས་བཀག་ནས་སྟོང་པ་ཆེན
iiif viewer powered by OpenSeadragon
