| e-texts navigator |
| Wylie |
133b1 བཀོད་པའི་ལེའུ་སྟེ་སུམ་ཅུ་ལྔ་པའོ།། །། ཐེག་པ་ཆེན་པོ་དངེས་པ་འབྱུང་བའི་ཚུལ་ལས་བྱིན་གྱིས་རླབས་ཀྱི་སྣང་བ་ན་ཡང་འབྱུང་བའི་གཏམ་རྒུད་བརྗོད་པའི་ཕྱག་རྒྱ་ཡེ་ཤེས་རྣམ་པར་བགྲོས་པ་སྟེ་བྱང་ཚུལ་བསྟན
133b2 པ་བདུན་པའོ།། །། དེ་ནས་ཡང་ལང་ཀའི་མངའ་བདག་བྱང་ཆུབ་སེམས་དཔའི་ཆེན་པོ་དེས་གསང་བ་པའི་བདག་པོ་དེ་ལ་སྔོན་དུ་བྱུང་བའི་ཚིག་བཅུ་གཉིས་པའི་བརྒྱད་པ་བརྒྱུད་པ་ཐབས་ཀྱིས་གྲགས་པ་ན་ཡང
133b3 བྱུང་ཞེས་འབྱུང་བ་ལ་འདི་སྐད་ཅེས་དྲི་བ་ཡོངས་སུ་དྲིས་སོ།། ཀྱེ་གསང་བ་པའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པ་བྱུང་བའི་ཚུལ་སྟོན་པས་ལུང་བསྟན་པ་གཏམ་རྒྱུད་དུ་བརྗོད་པའི་སྐབས་སུ་བརྒྱུད
133b4 པ་ཐབས་ཀྱིས་གྲགས་པ་ན་ཡང་བྱུང་ཞེས་བཀོད་པ་དེ་ཇི་ལྟར་བརྒྱུད་ཅིང་གང་དུ་གྲགས་པ་ལགས།། སྨྲས་པ། ལང་ཀའི་བདག་པོ་དགོངས་པས་བརྒྱུད་དེ་ཚིག་ཏུ་གྲགས་པས་ལྷ་དང་མིའི་འཇིག་རྟེན་དུ་སྣང་བར་གྱུར
133b5 པ་ཡིན་ནོ།། ལང་ཀའི་བདག་པོ་དེ་གང་ཞེ་ན། འདི་ལྟ་སྟེ། གང་གིས་གང་ལ་གང་བརྒྱུད་པ།། དེ་བཞིན་ཉིད་དེ་དེའོ་ཞེས།། ཆོས་ཀྱི་རྒྱལ་པོ་རྒྱལ་ཚབ་ལ།། དགོངས་པ་གསང་བ་ངེས་པ་བརྒྱུད།། ལྷ་གནས་མི་ཡི།
133b6 འཇིག་རྟེན་དུ།། གསང་བའི་བདག་པོས་གང་བགྲོས་པ།། སྔོན་དུ་གནང་འབྱུང་སྐྱེས་བུ་དག། དམན་པའི་ལུས་འཛིན་སེམས་དཔར་གྲགས།། གྲགས་པ་དེ་ཡང་ཇི་ག་གང་།། འདས་པའི་དུས་ན་སྔོན་བྱུང་བ།། འགྲོ།
iiif viewer powered by OpenSeadragon
