| e-texts navigator |
| Wylie |
133a1 ལ་རྒྱལ་བ་མི་དགོངས་བཀུར་མི་མཛད།། སྙིང་པོ་དོན་རིགས་སྐད་ཅིག་ཙམ་གྱིས་ཀྱང་།། བྱིན་བརླབས་ཡོན་ཏན་རྒྱལ་བས་བཤད་མི་རྫོགས།། དཀར་པོ་མཐའ་ཐུག་བསོད་ནམས་ཀུན།། སེན་མོ་ཐོག
133a2 གིས་རྡུལ་འདྲ།། རྡོ་རྗེ་སྙིང་པོར་གཅིག་སྐྱེད་པ།། ས་ཡི་དཀྱིལ་འཁོར་ཆེན་པོ་ཙམ།། དཀར་པོ་ཕྱོགས་ཀྱི་མཐའ་ཐུག་པ། དེ་ནི་མུན་ཁང་སྒྲོན་མེད་ཙམ། རྡོ་རྗེ་སྙིང་པོར་གཅིག་རིག་པ།། དུས་མཐའི་བསྐལ་པའི་མེ
133a3 ཆེན་འདྲ།། དབུར་མར་སྣང་བའི་ནམ་མཁའ་ནི།། གང་གི་སེར་ཁུང་ནམ་མཁའོ།། རྡོ་རྗེ་གསང་བའི་ནམ་མཁའ་ནི།། འབྱུང་ཆེན་གཏོས་ཀྱིས་ནམ་མཁའ་འདྲ། མཛད་པའི་བརླབས་ཀྱི་ཞི་བ་ནི།། སྟོངས་པའི་བསྐལ
133a4 པ་ལྟ་བུར་སྣང་།། ཐམས་ཅད་རྒྱས་པར་མཛད་པ་ཡང་།། གནས་པའི་བསྐལ་པ་ལྟ་བུར་སྣང་།། ཐུགས་རྗེའི་དབང་དུ་མཛད་པ་ཡང་།། ཆགས་པའི་བསྐལ་པ་ལྟ་བུར་སྣང་།། མངོན་པར་སྤྱོད་པ་མཛད་པ་ནི།། འཇིག
133a5 པའི་བསྐལ་པ་ལྟ་བུའོ།། ལང་ཀའི་བདག་པོ་དེ་དག་ནི་ཡོན་ཏན་མི་ཟད་པ་མཛོད་ཀྱི་བཀོད་པ་དང་། ཕྲིན་ལས་རླབས་ཀྱིས་མཛད་པའི་བྱིན་རླབས་ལས་སྣང་བར་རིག་པར་བྱའོ།། དེ་སྐད་ཅེས་སྨྲས་པས་དམན་པའི
133a6 ལུས་ཀྱི་སེམས་དཔའ་རྣམས་གསང་བ་དམ་པ་ཁོ་ན་ཉིད་དེ་བྱིན་གྱིས་བརླབས་ལས་སྣང་བར་རིག་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་སྤྱོད་པ་མི་ཟད་པ་རྒྱན་གྱི་འཁོར་ལོ།
iiif viewer powered by OpenSeadragon
