| e-texts navigator |
| Wylie |
132a1 འདི་སྐད་ཅེས་སྨྲས་ཏེ་དྲིས་པ། གསང་བ་པའི་བདག་པོ་གསང་སྔགས་ཀྱི་བྱིན་གྱི་རླབས་ལས་སྣང་བའི་སངས་རྒྱས་རྣམས་ཀྱི་ཡོན་ཏན་དང་ཕྲིན་ལས་ཇི་ལྟར་སྣང་བ་ལགས། གསང་བ་པའི་བདག
132a2 པོས་སྨྲས་པ། ལང་ཀའི་བདག་པོས་གསང་སྔགས་ཀྱི་བྱིན་གྱི་རླབས་ལས་སྣང་བའི་སངས་རྒྱས་རྣམས་ཀྱི་ཡོན་ཏན་དང་། ཕྲིན་ལས་ནི་འདི་ལྟར་སྣང་བར་རིག་པར་བྱའོ།། གང་ཞེ་ན། འདི་ལྟ་སྟེ། མི་རྟོག་གང་ལ་རྟག
132a3 ཉིད་དུ།། བརྟགས་ལས་རྟོགས་པའི་བྱིན་བརླབས་འབྱུང་།། མི་ཟད་རིན་ཆེན་ནམ་མཁའི་མཛོད།། བྱིན་བརླབས་ཆེན་པོ་རྒྱུན་མི་འཆད།། གསང་ཉིད་སྙིང་པོའི་བྱིན་བརླབས་ནི།། གང་དུ་རྣམ་པར་མི་རྟོག་བཞིན།།
132a4 འདོད་བྱུང་བྱ་བ་ཐམས་ཅད་བྱེད།། དེ་ལ་བྱེད་པ་ཅི་ཡང་མེད།། ཀུ་བ་གཅིག་གིས་བྱིན་བརླབས་ཀྱིས།། ལྗགས་ནི་སྟོང་སྙེད་བསྒྱུར་བ་བཞིན།། གསང་བའི་དོན་མཐོང་སྐད་ཅིག་གིས།། ཐམས་ཅད་གསང་བའི་སྙིང
132a5 ར་འགྱུར།། མར་མེ་གཅིག་གི་བྱིན་བརླབས་ཀྱིས།། བསྐལ་པའི་མུན་ནག་སེལ་བ་བཞིན། སྙིང་པོ་དོན་རིག་སྐད་ཅིག་མས།། བསྐལ་པར་གནས་པའི་སྒྲིབ་པ་སེལ།། ནོར་བུ་རིན་ཆེན་གང་སེལ་བ།། དབུལ་པའི
132a6 འཇིགས་པ་མེད་པ་ལྟར།། སྙིང་པོ་དོན་སད་གང་སེལ་བ།། ལྟུང་གནས་འཁོར་བའི་འཇིགས་པ་མེད།། ཉི་ཟླའི་འོད་འབར་རིན་ཆེན་གྱིས།། རིན་ཆེན་རིན་ཐང་འབུམ་ཆར་མིན།། དཀར་པོར་མཐར་ཐུག་བསོད
iiif viewer powered by OpenSeadragon
