| e-texts navigator |
| Wylie |
131a1 གཉིས་བྱུང་བ་ནི་འདི་ལྟ་སྟེ། ཅང་ཀ་དེའུ་དང་པང་ཀ་དེའུ་དང་གཉིས་སོ།། ལང་ཀའི་བདག་པོ་ཡན་ལག་འདི་དྲུག་ཀྱང་གང་འགྲོ་བ་དྲུག་གི་ཁམས་སུ་གསུང་བའི་སྒོ་དྲུག་ལས་དྲུག་དྲུག་ཏུ་བསྐུར་བ
131a2 བྱས་པ་ལས་དྲུག་དང་བཅུ་གསུམ་དུ་བསྒྱུར་བར་རིག་པར་བྱའོ།། དྲུག་ཅུར་བསྒྱུར་བས་ཡན་ལག་དྲུག་ཅུར་འབྱུང་བར་རིག་པར་བྱའོ།། དྲུག་དྲུག་བཅུར་བསྒྱུར་བ་བྱས་པས་ཡན་ལག་གསུམ་བརྒྱ་དྲུག་ཅུར་འབྱུང་བར
131a3 རིག་པར་བྱའོ།། ལང་ཀའི་བདག་པོ་གཟུངས་ཀྱི་སྒོ་གང་ཞེ་ན། འདི་ལྟ་སྟེ། དོན་གྱི་གཟུངས་དང་། ཚིག་གི་གཟུངས་དང་། ཆོས་ཀྱི་གཟུངས་དང་། སྔགས་ཀྱི་གཟུངས་སུ་རིག་པར་བྱའོ།། ལང་ཀའི་བདག་པོ་དོན་གྱི
131a4 གཟུངས་གང་ཞེ་ན། ཡི་གེ་གང་སྣང་བའི་དོན་དེ་ཉིད་དེ་དང་མ་བྲལ་བར་བྱའོ།། ཚིག་གི་གཟུངས་གང་ཞེ་ན། ཡི་གེ་གང་ལས་ཚིག་གང་བྱུང་བའོ།། ཆོས་ཀྱི་གཟུངས་གང་ཞེ་ན། གང་ཡི་གེ་ནི་ཆོས་ཐས་ཅད་དང
131a5 འབྲེལ་ཅིང་ཆོས་ཐམས་ཅད་མི་དམིགས་པའི་སྒོར་རིག་པར་བྱའོ།། སྔགས་ཀྱི་གཟུངས་གང་ཞེ་ན། ཡི་གེའི་སྒོ་ནས་ཚིག་བཙན་པར་རེད་པ་གང་ཡིན་པའོ།། ལང་ཀའི་བདག་པོ་དེ་དག་ནི་ཡི་གེའི་སྒོར་རིག་པར་བྱའོ།།
131a6 ལང་ཀའི་བདག་པོ་འདི་ལ་ཡི་གེའི་རྣམ་གྲངས་གང་ཞེ་ན། རང་བཞིན་གྱི་ཡི་གེ་དང་། ཆོ་འཕྲུལ་གྱི་ཡི་གེའོ།། དེ་ལ་རང་བཞིན་གྱི་ཡི་གེ་གང་ཞེ་ན། གང་ཐམས་ཅད་ཀྱང་ཡི་གེ་འབའ་ཞིག་པའོ།། ཆོ་འཕྲུལ་གྱི་ཡི་གེ
iiif viewer powered by OpenSeadragon
