| e-texts navigator |
| Wylie |
130a1 དེ་མིང་གི་རྣམ་གྲངས་གཞན་བརྗོད་པས་ཀྱང་ཤེས་པར་རུང་བ་ནི་ཡོད་མོད་ཀྱི།། ཡི་གེ་ནི་ཤེས་པར་མི་རུང་བའི་ཕྱིར་ཡི་གེའི་རང་བཞིན་ནི་མི་འགྱུར་བ་ཁོ་ནར་ཤེས་པར་བྱའོ།། ལང་ཀའི་བདག་པོ་དེ
130a2 ལ་ཡི་གེའི་སྒྲ་གང་ཞེ་ན། འདི་ལྟ་སྟེ། རང་བཞིན་གྱི་སྒྲ་དང་། བསྒྱུར་བའི་སྒྲ་དང་། སྦྱར་བའི་སྒྲ་དང་། དྲངས་པའི་སྒྲའོ།། དེ་ལ་རང་བཞིན་གྱི་སྒྲ་གང་ཞེ་ན། འདི་ལྟ་སྟེ། ཡི་གེ་གང་ལ་དབྱིབས་དང་། ཁ་དོག་དང་།
130a3 སྐད་དང་། བརྡ་ཐ་དད་ཀྱང་ཨ་དང་ཀ་ལ་སོགས་པའི་མིང་དུ་བཏགས་པའི་སྒྲ་ཇི་ལྟ་བ་དེ་ཁོ་ན་ཉིད་ལྟར་གྲགས་པའོ།། བསྒྱུར་བའི་སྒྲ་གང་ཞེ་ན། འདི་ལྟ་སྟེ། ཡི་གེ་གང་དང་གང་དུ་བསྒྱུར་བའི་སྒྲ་དེས་དོན་དང་ཚིག
130a4 ཐ་དད་པར་འགྱུར་བའོ།། སྦྱར་བའི་སྒྲ་གང་ཞེ་ན། འདི་ལྟ་སྟེ། དབྱིབས་གང་དང་གང་ལ་ཡི་གེ་གང་དང་གང་གི་གཟུགས་སུ་སྦྱར་བས་དེ་དང་དེའི་དོན་འབྱུང་བ་གང་ཡིན་པའོ།། དྲངས་པའི་སྒྲ་གང་ཞེ་ན། འདི་ལྟ་སྟེ།
130a5 ཡི་གེ་གང་དང་གང་ལས་ཚིག་གང་ལྟར་དྲངས་པའི་སྒྲ་དེ་དག་དེ་ལས་དོན་གང་འབྱུང་བ་གང་ཡིན་པའོ།། ལང་ཀའི་བདག་པོ་འདི་ལ་ཡི་གེའི་ལས་གང་ཞེ་ན། འདི་ལྟ་སྟེ། གང་དུ་སྤེལ་བ་དང་། གང་ཤེས་པར་བྱེད་པ
130a6 ཉིད་དོ།། གང་དུ་སྤེལ་བ་ནི་འདི་ལྟ་སྟེ། གང་མེད་པ་ལས་གཅིག་ཏུ་བྱུང་བ་དང་། གཅིག་ལས་གསུམ་དང་། ལྔ་དང་། གཞི་བཅུ་དང་། འབུམ་སྡེ་དང་། བྱེ་བ་དང་ས་ཡར་འཕེལ་བས་ཐམས་ཅད་ཤེས་པར་བྱེད་པའོ།།
iiif viewer powered by OpenSeadragon
