| e-texts navigator |
| Wylie |
12b1 བས།། ཤེས་བྱའི་མུན་པ་ཀུན་བསལ་ཕྱིར།། ཁྱོད་ནི་གསལ་བའི་ཉི་མར་གྲགས།། གདུལ་དཀའ་མ་ལུས་ཀུན་འདུལ་ཞིང་།། བདུད་ཀྱི་བདུད་སྡེ་བདུད་རྣམས་འཇོམས།། འཇིགས་པའི་ཚོགས་ཀྱང་འཇོམས་བྱེད
12b2 པས།། ཁྱོད་ནི་བདུད་ཀྱི་བདུད་དུ་གྲགས།། དེ་བཞིན་ཉིད་ཀྱི་ངོ་བོ་ཉིད།། སེམས་ཉིད་རང་བཞིན་འོད་གསལ་བ།། ཆོས་ཀུན་གཟུགས་བརྙན་སྣང་བས་ན།། ཆོས་ཀྱི་མེ་ལོང་ཞེས་ཀྱང་གྲགས།། དུག་འཇོམས་སྨན་གྱི
12b3 དཀྱིལ་འཁོར་གྱིས།། ཟུག་རྔུ་འབྱིན་པ་བླ་ན་མེད།། ནད་དོ་ཅོག་གི་དགྲར་གྱུར་པས།། ཁྱོད་ནི་སྨན་པའི་རྒྱལ་པོར་གྲགས།། དགའ་མགུ་རངས་པར་མཛད་པས་ན། ཁྱོད་ནི་གདུང་བ་སེལ་བར་གྲགས།། འདོད་པ
12b4 ཡིད་བཞིན་སྐོང་བས་ན། ཁྱོད་ནི་ཡིད་བཞིན་ནོར་བུར་གྲགས།། དམ་པ་རྣམས་དང་མཐུན་མཛོད་ལ།། བདག་ཅག་རིག་པ་འཛིན་རྣམས་ལ།། དམ་པའི་སྤྲུལ་པ་གང་ལྟར་ནུབ།། དམ་པའི་སྒྲོན་མ་ཇི་ལྟར
12b5 བཀོད།། དམ་པའི་གསང་ལུང་ཇི་ལྟར་འབྱུང་།། གསང་བ་རྒྱུད་ཀྱི་བགྲོ་བ་མཛོད།། དགོངས་པའི་ཚིག་གསུམ་བགྲོ་བ་མཛོད།། ནམ་མཁའི་རྡོ་རྗེ་བགྲོ་བ་མཛོད།། ཅེས་གསོལ་བ་བཏབ་བོ།། སངས་རྒྱས་ཀུན་གྱི
12b6 དགོངས་པ་འདུས་པའི་མདོ་ཆེན་པོ་ལས་ལུང་དམ་པ་བགྲོ་བར་གསོལ་བ་བཏབ་པའི་ལེའུ་སྟེ་ལྔ་པའོ།། །། དེ་སྐད་ཅེས་གསོལ་བ་བཏབ་པ་ལས།། གསང་བའི་བདག་པོས་བཀའ་སྩལ་པ།། སྔོན་དུ་བྱུང་བར་ལུང
iiif viewer powered by OpenSeadragon
