| e-texts navigator |
| Wylie |
12a1 སྟེ།། མངོན་སུམ་གསལ་བར་རྟོགས་མ་ཟག། འགྲོ་བའི་ལུས་ལ་སངས་རྒྱས་ཡིན།། རྡོ་རྗེ་གསང་ཆེན་གསང་བ་ཡི།། ངེས་དོན་དམ་པའི་མཛོད་མཆོག་རྣམས།། འདིར་བགྲོས་གསལ་བར་བཤད་སྦྱར
12a2 བས།། ལྷ་དང་མི་ཡི་རིག་འཛིན་ལས།། རིམ་པ་བརྒྱུད་དེ་གྲགས་པར་འགྱུར།། ལྷ་མི་འཇིག་རྟེན་ཐམས་ཅད་ཀྱི།། མུན་པའི་གདུང་བ་ཀུན་བསལ་ནས།། སེམས་ཀྱི་དཀྱིལ་འཁོར་གསལ་བར་འགྱུར།། ཅི་ཕྱིར་མིན
12a3 པའི་གདུང་བར་ཞུགས།། ཐུབ་པ་མྱ་ངན་འདས་གདུང་བ།། དེ་ནི་ནམ་མཁའི་སྐུ་མངའ་བ།། འདའ་དང་མི་འདའ་མི་མངའ་སྟེ།། འཕོ་འགྱུར་མེད་པས་ནམ་མཁའ་བཞིན།། དེ་སྐད་སྤྲུལ་པའི་སྒྲ་འབྱུང་བས།། སྔོན་དུ
12a4 བྱུང་བའི་རིགས་ཅན་རྣམས།། མཆོག་ཏུ་དགའ་བ་ཆེར་སྐྱེས་ཏེ།། དགའ་མགུ་རངས་པའི་བསམ་པ་ཡིས།། ལུས་བཏུད་ཤིན་ཏུ་གུས་སྦྱར་ནས།། སྤྱན་སྔར་འདུག་སྟེ་འདི་སྐད་གསོལ།། མཚན་མོའི་མུན་ནག་སྤྲིན་རུམ
12a5 ནས།། གློག་འགྱུར་བར་སྣང་སྟོན་ལྟ་བུར།། ཐོག་མ་ཐ་མ་མེད་པ་ཡི།། དེ་བཞིན་ཉིད་ཀྱི་དབྱིངས་སྐྱེས་ཏེ།། རྣམ་དག་ལམ་ཆེན་དེ་ཉིད་དུ།། བྱུང་བའི་སྐྱེས་བུ་དོན་གྲུབ་ཁྱོད།། དམ་པ་རྣམས་ཀྱི་གསང་འཛིན
12a6 ཅིང་།། གསང་བ་པ་ཡི་བདག་པོར་གྲགས།། བཀའ་རྣམས་བགྲོ་བར་ཁྱོད་བསྔགས་པས།། ཁྱོད་ནི་བཀའ་འགྲེལ་ཆེན་པོར་གྲགས།། སེམས་ཀྱི་དཀྱིལ་འཁོར་ཐམས་ཅད་ལ།། མཛོད་གསུམ་གསང་བའི་ཉི་ཤར
iiif viewer powered by OpenSeadragon
