| e-texts navigator |
| Wylie |
129b1 ཨཾ་ནི་དྲང་སྲོང་ཚུལ་བརྟན་པ་ལྟ་བུའོ།། རི་ནི་ལྕགས་སྒྲོགས་ཀྱོ་གས་དྲངས་པ་ལྟ་བུའོ།། ལི་ནི་བྱ་གག་ཀྱོ་གས་དྲངས་པ་ལ་སོགས་པ་སྟེ། ཡི་གེ་རེ་རེ་ལ་ཡང་དབྱིབས་ཐ་དད་ཡོད་དེ། དེ་ལྟར་ན་འདྲེན་པ་ནི་གུ་གུ
129b2 ལྕགས་ཀྱུ་ལྟ་བུའོ།། འོད་དཔག་ནི་ཞབས་ཀྱང་དཀྲིས་པ་ལྟ་བུའོ།། རེ་པ་ནི་བ་སེའི་རྭ་བསྒྲེང་བ་ལྟ་བུའོ།། ཟླ་ཚེས་ནི་ན་རོའི་རྭ་ལྟ་བུའོ།། ཐིག་ལེ་ནི་ལི་ཚག་ཚིག་གི་མིག་ལྟ་བུའོ།། དབྱུག་པ་ནི་འཕང་མདུང་ལྟ་བུ་སྟེ།
129b3 སོ་སོའི་དབྱིབས་ཐ་དད་པ་དེ་ལྟ་བུ་ཡོད་དོ། ལང་ཀའི་བདག་པོ་དེ་དག་ནི་ཡི་གེའི་དབྱིབས་ཏེ་ཡི་གེའི་གཟུགས་སུ་ཤེས་པར་བྱའོ།། ལང་ཀའི་བདག་པོ་དེ་ལ་ཡི་གེའི་རང་བཞིང་གང་ཞེ་ན། འདི་ལྟ་སྟེ་ཡི་གེའི་རང
129b4 བཞིན་གང་ཡིན་པ་དེ་ཡི་གེ་གཞན་གྱི་རང་བཞིན་དུ་མི་འགྱུར་ལ། ཡི་གེ་གང་གིས་ཡི་གེ་གང་དག་གི་རང་བཞིན་རྣམ་གྲངས་སུ་མཚོན་པར་མི་ནུས་སོ།། ལང་ཀའི་བདག་པོ་དེ་ལ་གང་གི་རང་བཞིན་གང་དུ་མི་འགྱུར
129b5 བ་ནི་འདི་ལྟ་སྟེ། ཨའི་རང་བཞིན་སྐྱེ་བ་མེད་པ་ཡིན་ལ།། དེ་ནི་ཨ་འབའ་ཞིག་ལས་མ་གཏོགས་པ་ཡི་གེ་གཞན་གང་གིས་ཀྱང་སྐྱེ་བ་མེད་པའི་རང་བཞིན་ཤེས་པར་འགྱུར་བ་མ་ཡིན་ནོ།། དེ་བཞིན་དུ་ཀའི་རང་བཞིན
129b6 བྱེད་པ་ཡིན་ལ་བྱེད་པ་ནི་ཀ་འབའ་ཞིག་ལས་མ་གཏོགས་པ་ཡི་གེ་གཞན་གང་གིས་ཀྱང་བྱེད་པ་ཤེས་པར་འགྱུར་བ་མ་ཡིན་ནོ།། ལང་ཀའི་བདག་པོ་དེ་ལྟར་ན་མིང་དུ་བཏགས་པ་གང་ཞིག་ལ་དངོས་གཞི་གང་ཡིན་པ
iiif viewer powered by OpenSeadragon
