| e-texts navigator |
| Wylie |
128b1 པ་ལྗགས་ཀྱི་གཟུགས་བརྙན་ཡིན།། གསུམ་པ་རྩེ་མོ་ལས་བྱུང་བ།། བཞི་པ་འབྱུང་བའི་སྒྲོས་ལ་ཤར།། ལྔ་པ་གསུང་གི་རྒུན་ལམ་ཡིན།། ཐམས་ཅད་སྡུད་པའི་ཡི་གེ་ཡ།། སྲེག་པ་འབྱུང་བའི་ཡི་གེ་ར།། འཇོམས་པ་ཆེན
128b2 པོ་ཡི་གེ་ལ།། མུན་པ་ཟེར་བའི་ཡི་གེ་ཝ།། མཚན་མ་དག་པའི་ཡི་གེ་ཤ། སྟོང་པ་ཆེན་པོའི་ཡི་གེ་ཥ།། ཆོ་འཕྲུལ་འབྱུང་བའི་ཡི་གེ་ཀྵ།། རྣམ་པ་ཀུན་གྱི་ཡི་གེ་ས།། འཁོར་བ་གནོན་པའི་ཡི་གེ་ཧ།། འབྱུང་བ་ཀུན་གྱི་ཡི
128b3 གེ་ཨ།། བརྗོད་པ་ཀུན་གྱི་ཡི་གེ་ཨཱ།། ཚད་མེད་པ་དང་ལམ་རྣམས་ཀྱི།། ཡི་གེ་བཅུ་དྲུག་རྫོགས་པ་ཉིད།། སྐུ་དང་གསུང་ཐུགས་ཡོན་ཏན་གྱི།། ཚིག་འབྱུང་སྨྲ་བའི་གཡི་གེ་བཞི།། བདུན་དང་བཅུ་གཉིས་གསུང་གི་རྒྱུན།།
128b4 འབྱུང་བ་ཉིད་དུ་མགོན་པོས་བཤད། ལང་ཀའི་བདག་པོ་དེ་དག་ནི་ཡི་གེའི་བྱུང་ཚུལ་དུ་རིག་པར་བྱའོ།། ལང་ཀའི་བདག་པོ་འདི་ལ་ཡི་གེའི་གཟུགས་གང་ཞེ་ན། འདི་ལྟ་སྟེ། གང་ཁ་དོག་དང་དབྱིབས་འབའ་ཞིག་གོ།
128b5 ལང་ཀའི་བདག་པོ་དེ་ལ་ཁ་དོག་གང་ཞེ་ན།། རང་བཞིན་དང་། རིགས་དང་། སྣ་ཚོགས་དང་། མ་ངེས་པའོ།། ལང་ཀའི་བདག་པོ་དབྱིབས་ནི་ཐ་དད་པ་སྟེ། འདི་ལྟར་ཨ་འབའ་ཞིག་ལ་ཡུང་ཨ་སེང་གེ་གཡལ་བ་ལྟ་བུ
128b6 དང་ཨ་སེང་གེ་བསྒྱིངས་པ་ལྟ་བུ་དང་། ཨ་སེང་གེ་སྒྲ་འབྱིན་པ་ལྟ་བུ་དང་། ཨ་བུན་དུ་ཕུན་སུམ་ཚོགས་པ་ལྟ་བུ་དང་། ཨ་ཨ་མོ་ཀ་རི་ཁ་འདྲ་བ་དང་། ཨ་འོད་དཔག་ཐིག་ལྟ་བུ་ལ་སོགས་པ་ཐ་དད་དོ།། དེ་བཞིན་དུ་ཀ
iiif viewer powered by OpenSeadragon
