| e-texts navigator |
| Wylie |
127b1 ནི་མིང་སྭཱ་ཞེས་བླ་དགས་སུ་བཏགས་སོ།། ཕྲིན་ལས་མཚོན་པར་བྱེད་པའི་ཡི་གེ་ལ་ནི་མིང་ཧཱ་ཞེས་བླ་དྭགས་སུ་བཏགས་སོ།། དགུག་པ་མཚོན་པར་བྱེད་པའི་ཡི་གེ་ལ་ནི་མིང་ལྕགས་ཀྱུ་ཞེས་བླ་དགས་སུ་བཏགས་སོ།།
127b2 སྡུད་པ་མཚོན་པར་བྱེད་པའི་ཡི་གེ་ལ་ནི་མིང་འོད་དཔག་ཞེས་བླ་དྭགས་སུ་བཏགས་སོ།། འདྲེན་པ་མཚོན་པར་བྱེད་པའི་ཡི་གེ་ལ་ནི་མིང་རེ་བ་ཞེས་བླ་དགས་སུ་བཏགས་སོ།། སྦྱོར་བ་མཚོན་པར་བྱེད་པའི་ཡི་གེ་ལ་ནི
127b3 མིང་ཟླ་ཚེས་ཞེས་བླ་དགས་སུ་བཏགས་སོ།། མིང་མཚོན་པར་བྱེད་པའི་ཡི་གེ་ལ་ནི་མིང་ཐིག་ཅེས་བླ་དགས་སུ་བཏགས་སོ།། གཅོད་པར་མཚོན་པར་བྱེད་པའི་ཡི་གེ་ལ་ནི་མིང་དབྱུག་པ་ཞེས་བླ་དགས་སུ་བཏགས་སོ།།
127b4 ལང་ཀའི་བདག་པོ་དེ་དག་ནི་ཡི་གེའི་མིང་དུ་རིག་པར་བྱའོ།། ལང་ཀའི་བདག་པོ་དེ་ལ་ཡི་གེའི་བྱུང་ཚུལ་གང་ཞེ་ན། འདི་ལྟ་སྟེ། སྟོན་པ་གསང་བ་མཆོག་ཉིད་ཀྱིས།། འདུས་པ་དག་ལ་བོས་ཏེ་གསུངས།། གཞན་ཡང
127b5 འདུས་པའི་རྣལ་འབྱོར་རྣམས།། ཡི་གེ་རྗེས་སུ་དོན་དཔགས་ན།། ཡི་གེ་དོན་ནི་གསལ་བར་སྟོན།། ཅི་ཕྱིར་དོན་ཉིད་ཡི་གེར་སྣང་།། དབྱིངས་ནས་ཨ་བྱུང་ཨ་ལས་ནི།། ཡི་གེ་ཡིད་བཞིན་སྤྲིན་ཚོགས་འཕྲོ།། ཨ་ནི
127b6 རང་བཞིན་ཡི་གེ་སྟེ།། རྟེན་དང་བྲལ་བས་རྒྱུ་རྐྱེན་མེད། ཁོང་ནས་ཀུན་ཁྱབ་ནམ་མཁའ་འདྲ།། ཆོས་ཉིད་སྐྱེ་མེད་ཟབ་མོ་ཡིས།། ཆོས་ཀུན་ཁྱབ་གནས་ཟིན་པར་ལྟར། ཨཱཿཁྱབ་གནས་ཨ་ཡི་རང་བཞིན་གྱིས།། ཡི
iiif viewer powered by OpenSeadragon
