| e-texts navigator |
| Wylie |
121a1 དག་ཐ་དད་པའི་ངོ་བོ་ལས་གྲོལ་བར་ཡང་ཟུང་ཤིག་ལང་ཀའི་བདག་པོ་དེ་ལྟར་ན་གདུལ་བྱའི་དབང་གི་ཕྱིར་སྐུ་ལ་ནི་ངེས་པ་མེད་དེ་བསམ་གྱིས་མི་ཁྱབ་པར་ཟུང་ཤིག་ལྔར་ཡང་ཟུང་ཤིག་བཞིར
121a2 ཡང་ཟུང་ཤིག། གསུམ་དུ་ཡང་ཟུང་ཤིག་གཉིས་སུ་ཡང་ཟུང་ཤིག་གཅིག་ཏུ་ཡང་ཟུང་ཤིག། ངེས་པ་སྐུ་དང་། གསུང་དང་། ཐུགས་དང་། ཡོན་ཏན་དང་། ཕྲིན་ལས་ཞེས་ཐ་སྙད་དུ་བཏགས་པར་ཟད་ཀྱི།། སྐུ་ནི་ནམ
121a3 མཁའོ།། གསུང་ནི་སྒྲ་བརྙན་ནོ།། ཐུགས་ནི་ཆོས་ཉིད་དོ།། ཡོན་ཏན་ནི་སྒྱུ་མའོ།། ཕྲིན་ལས་ནི་སྤྲུལ་པ་སྟེ། དེ་དག་ནི་གང་ལ་འདུལ་བའི་དབང་དུ་བྱིན་གྱི་བརླབས་ལ་སྣང་བར་ཟད་ཀྱི་ཡང་དག་པར་ན་སྣང་བ་ནི་ཅུང
121a4 ཟད་ཀྱང་མེད་དོ།། ལང་ཀའི་བདག་པོ་དེ་དག་གི་ངོ་བོ་ནི་རྣམ་པར་ཤེས་པའོ།། ངོས་ཟིན་པ་ནི་ཡེ་ཤེས་སོ།། མངོན་སུམ་པ་ནི་སངས་རྒྱས་སོ།། ལང་ཀའི་བདག་པོ་དེ་ལྟར་ན་གསང་གསང་སྔགས་ཀྱི་ངོ་བོ་དེ་ནི
121a5 ངས་སུ་དཔག་པར་དཀའ་བའི་ཕྱིར་གང་མུན་པའི་ཁམས་པས་ནི་རྣམ་པར་ཤེས་པ་ཞེས་བྱ་བར་བཏགས་སོ།། སྣང་བའི་ཁམས་པ་དག་གིས་ནི་ཡེ་ཤེས་ཞེས་བྱ་བར་བཏགས་སོ།། མིག་དང་བ་རྣམས་ཀྱིས་ནི་སངས
121a6 རྒྱས་སུ་བཏགས་སོ།། དམ་པའི་མིག་ཅན་རྣམས་ཀྱིས་ནི་གསང་སྔགས་སུ་ངོས་ཟིན་པ་ཡིན་ནོ།། དེ་ནས་ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་དེ་དག་གི་ཞིང་ཁམས་ནི་གང་། འཁོར་ནི་གང་།
iiif viewer powered by OpenSeadragon
