| e-texts navigator |
| Wylie |
120b1 ལང་ཀའི་བདག་པོ་ཇི་སྐད་དུ་དྲི་བ་དྲུག་ནི་འདི་ལྟ་སྟེ། དེ་དག་ནི་རྟག་པ་ཡང་མ་ཡིན་ནོ།། མི་རྟག་པ་ཡང་མ་ཡིན་ནོ།། རྟག་ཀྱང་རྟག་ལ་མི་རྟག་ཀྱང་མི་རྟག་པ་ཡང་མ་ཡིན་ནོ།། རྟག་པ་ཡང་མ་ཡིན།། མི་རྟག་པ་ཡང
120b2 མ་ཡིན་པ་ཡང་མ་ཡིན་ནོ།། དེ་དག་ནི་ཡོད་པ་ཡང་མ་ཡིན་ནོ།། མེད་པ་ཡང་ཡིན་ནོ།། ཡོད་ཀྱང་ཡོད་ལ་མེད་ཀྱང་མེད་པ་ཡང་ཡིན་ནོ།། ཡོད་པ་ཡང་མ་ཡིན། མེད་པ་ཡང་མ་ཡིན་པ་ཡང་ཡིན་ནོ།། གཅིག་པ་ཡང
120b3 ཡིན་ནོ།། ཐ་དད་པ་ཡང་ཡིན་ནོ།། གཅིག་པ་ཡང་མ་ཡིན། ཐ་དད་པ་ཡང་མ་ཡིན་པ་ཡང་ཡིན་ནོ།། གཅིག་པ་དང་ཐ་དད་པའི་ངོ་བོ་ལས་གྲོལ་བ་ཡང་ཡིན་ནོ།། ལང་ཀའི་བདག་པོ་དེ་ཅིའི་ཕྱིར་ཞེ་ན། འདི་ལྟ་ཏེ། མི
120b4 འགྱུར་ཞིང་གཉེན་པོ་མེད་པ་དང་། གང་འབྱུང་བ་མི་དམིགས་པ་དག་ཀུན་གྱི་གཞིར་གྱུར་པ་དང་། མཐའ་ཡོངས་སུ་མི་དམིགས་པ་དང་། ཐེར་ཟུ་མ་ཡིན་པ་དང་། རྒྱུན་དུ་འབྱུང་བ་དང་། དགོངས་པ་དམ་པ་དང་།
120b5 དངོས་པོ་མེད་པ་དང་། རྒྱུད་དག་པའི་ཡུལ་དུ་གྱུར་པ་དང་། མཐའ་དབུས་ལས་འདས་པ་དང་། ཐ་སྙད་ལས་འདས་པ་དང་། ཡེ་ཇི་བཞིན་པ་དང་། བསམ་དུ་མེད་པ་དང་། བསམ་གྱིས་མི་ཁྱབ་པ་དང་། སོ་སོའི་སྤྱོད
120b6 ཡུལ་དང་། ཁྱད་པར་ཅིར་ཡང་མཚུངས་པའི་ཕྱིར་རྟག་པར་ཡང་ཟུང་ཤིག་མི་རྟག་པར་ཡང་ཟུང་ཤིག་ཡོད་པར་ཡང་ཟུང་ཤིག་མེད་པར་ཡང་ཟུང་ཤིག་གཅིག་པར་ཡང་ཟུང་ཤིག་ཐ་དད་པར་ཡང་ཟུང་ཤིག་གཅིག
iiif viewer powered by OpenSeadragon
