| e-texts navigator |
| Wylie |
11b1 རྗེས་སྤྱན་རས་མཁན།། འཁོར་བའི་དགྲ་དཔུང་འཇིགས་པ་ལས།། ཐམས་ཅད་བསྒྲུབ་པར་དམ་བཅས་ཀྱིས།། འཇིགས་དང་བྲལ་འདོད་ལམ་འདིར་ཤོག། ང་ནི་རྡོ་རྗེ་རྫོང་ཆེན་ཏེ།། འཁོར་བའི་གཡུལ་ཆེན་དམག
11b2 དཔུང་ལས།། འགྲོ་བའི་འཁྲས་སར་དམ་བཅས་ཀྱིས།། གང་ཞིག་མཁར་འདོད་ལམ་འདིར་ཤོག། ང་ནི་ཐབས་ཀྱི་ཚོང་དཔོན་ཏེ།། འདོད་པ་རྒྱ་མཚོས་མི་ངོམས་རྣམས།། གཏེར་ཆེན་སྦྱིན་པར་དམ་བཅས
11b3 ཀྱིས།། གང་ཞིག་གཏེར་འདོད་ལམ་འདིར་ཤོག། ང་ནི་ཐབས་ཀྱི་སྒྲོན་མ་སྟེ།། མུན་ནག་སྨག་ཏུ་འཁྱམས་པ་རྣམས།། མུན་ནག་བསལ་བར་དམ་བཅས་ཀྱིས།། གང་ཞིག་སྣང་འདོད་ལམ་འདིར་ཤོག། ང་ནི་ཡིད
11b4 བཞིན་ནོར་བུ་སྟེ།། ཡང་དག་ཡིད་བཞིན་འདོད་པ་རྣམས།། ཡིད་བཞིན་བསྐང་བར་དམ་བཅས་ཀྱིས།། ལྷུན་གྱིས་གྲུབ་འདོད་ལམ་འདིར་ཤོག། ང་ནི་བཀའ་ཡི་ལྡེ་མིག་སྟེ།། བཀའ་སྒྲོམ་ཐ་རམ་གསང་བ
11b5 རྣམས།། རྣམ་པར་འབྱེད་པར་དམ་བཅས་ཀྱིས།། གང་ཞིག་གྲོལ་འདོད་ལམ་འདིར་ཤོག། ང་ནི་བཀའ་ཡི་འགྲེལ་པ་སྟེ།། གསུང་གི་གླེགས་བམ་ཟབ་མོ་རྣམས།། ངེས་པར་དགྲོལ་བར་དམ་བཅས་ཀྱིས།། གང་དག
11b6 ཞེས་འདོད་ལམ་འདིར་ཤོག། རྣམ་དག་ལམ་ཆེན་ཀུན་སྒྲོལ་འདིར།། སྐལ་ལྡན་གང་ཞིག་སུ་བཞུགས་པ།། ནོར་བུ་རིན་ཆེན་འོད་འབར་བ།། ངེས་པར་འཆར་གྱིས་རྩོན་པར་གྱིས།། དེ་ཉིད་སེམས་ཀྱི་མེ་ལོང
iiif viewer powered by OpenSeadragon
