| e-texts navigator |
| Wylie |
119a1 གང་འབྱུང་བ་མུན་པ་སངས་ན་རྫོགས་ལོངས་སྤྱོད་པ་མངོན་དུ་སྣང་ངོ་།། གང་སྣང་བ་མུན་པ་སངས་ན་ཆོས་ཀྱི་སྐུ་མངོན་དུ་སྣང་ངོ་།། ངོ་བོ་ཉིད་ལ་ནི་མུན་པ་དང་། སྣང་བ་དང་། སངས་པ་དང་།
119a2 འཐིབས་པ་ལས་འདས་པའི་ཕྱིར་ཚིག་གི་ལམ་དང་ཡོངས་སུ་བྲལ་བ་ཉིད་དོ།། ལང་ཀའི་བདག་པོ་དེ་དག་ཉིད་ལ་ནི་སྙིང་པོ་གསང་བའི་ཁྱད་པར་གྱིས་དག་པ་དང་མ་དག་པ་ཡོད་པར་རིག་པར་བྱའོ།། སྨྲས་པ།
119a3 གསང་བ་པའི་བདག་པོ་དག་པ་ནི་གང་ལགས།། མ་དག་པ་ནི་གང་ལགས། སྨྲས་པ། ལང་ཀའི་བདག་པོ་འདི་ལྟ་སྟེ། གང་དུ་དག་པ་དང་། ཕྱོགས་སུ་དག་པ་དང་། ཡོངས་སུ་རྣམ་པར་དག་པ་དང་། ཐམས་ཅད་ནས
119a4 ཐམས་ཅད་དུ་དག་པ་ཆེན་པོའོ།། ལང་ཀའི་བདག་པོ་དེ་ལ་གང་དུ་དག་པ་ནི་འདི་ལྟ་སྟེ། གང་གསུམ་དུ་སྣང་བ་ཞི་བ་ནི་རྣམ་པར་དག་པའོ།། ཆོས་ཀྱི་དབང་ཕྱུག་ནི་སྨིན་པའོ།། ཆོས་ཀྱི་རྒྱལ་ཚབ་ནི་རྒྱུན་ནོ།། ཕྱོགས
119a5 སུ་དག་པ་ནི་འདི་ལྟ་སྟེ། གང་ལ་མ་རིག་པར་རང་རིག་པ་ནི་རྣམ་པར་དག་པའོ།། བདེ་བར་ཞུགས་པ་ནི་སྨིན་པའོ།། གང་དུ་སྣང་བ་ནི་རྒྱུན་ནོ།། ཡོངས་སུ་རྣམ་པར་དག་ནི་འདི་ལྟ་སྟེ། གང་ནམ་མཁའ་ཉིད་ནི་རྣམ
119a6 པར་དག་པའོ།། བདེ་བ་ལ་ལོངས་སྤྱོད་པ་ནི་སྨིན་པའོ།། ཡོངས་སུ་བསྒྱུར་བ་ནི་རྒྱུན་ནོ།། ཐམས་ཅད་ནས་ཐམས་ཅད་དུ་དག་པ་ཆེན་པོ་ནི་འདི་ལྟ་སྟེ། གང་གཞིར་སྣང་བ། གང་མ་བསླད་པ་ནི་དེ་ཉིད་དོ།། གང་སྐུ
iiif viewer powered by OpenSeadragon
