| e-texts navigator |
| Wylie |
118b1 ཀྱི་སྐུ་སྟེ། དེ་ཅིའི་ཕྱིར་ཞེ་ན། གཉིས་འདུས་པ་ལས་གཉིས་འབྱུང་བའི་རང་བཞིན་དུ་སྣང་བའོ།། གཞི་ནི་ངོ་བོ་ཉིད་ཀྱི་སྐུ་སྟེ། དེ་ཅིའི་ཕྱིར་ཞེ་ན། ཆོས་ཐམས་ཅད་འབྱུང་བའི་གཞི་དངོས་པོ་མེད་པའི་ངོ་བོ་ཉིད་ཀྱི་ཕྱིར
118b2 རོ།། ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་སྤྲུལ་པ་ནི་གང་། རྫོགས་ལོངས་སྤྱོད་པ་ནི་གང་། ཆོས་ཀྱི་སྐུ་ནི་གང་། ངོ་བོ་ཉིད་ནི་གང་། གསང་བ་པའི་བདག་པོས་སྨྲས་པ། ལང་ཀའི་བདག་པོ
118b3 གང་འདིར་ལྟར་དྲི་བ་འདི་བཞི་ནི་འདི་སྐད་དུ་ཐོས་སོ།། སྤྲུལ་པ་ནི་གང་མེད་པ་ལས་རྒྱུན་གྱིས་འབྱུང་བ་ལ་བྱའོ།། རྫོགས་ལོངས་སྤྱོད་པ་ནི་སྨིན་པ་ཕུན་སུམ་ཚོགས་པ་ལ་བྱའོ།། ཆོས་ཀྱི་སྐུ་ནི་ཡོངས་སུ་རྣམ་པར
118b4 དག་པ་ལ་བྱའོ།། ངོ་བོ་ཉིད་ནི་ཇི་བཞིན་པ་དེ་ཉི་ལ་བྱའོ།། ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་རྒྱུན་གྱི་འབྱུང་བ་ནི་གང་། སྨིན་པ་ཕུན་སུམ་ཚོགས་པ་ནི་གང་། ཡོངས་སུ་རྣམ་པར་དག་པ་ནི
118b5 གང་། ཇི་བཞིན་པ་དེ་ཉིད་ནི་གང་། གསང་བ་པའི་བདག་པོས་སྨྲས་པ། ལང་ཀའི་བདག་པོ་འདི་ལྟར་དྲི་བ་བཞི་ནི་འདི་ལྟེ་སྟེ། རྒྱུན་གྱི་འབྱུང་བ་ནི་སེམས་ལས་གྱུར་པ་རྒྱུན་མི་འཆད་པའོ།། སྨིན་པ་ཕུན་སུམ་ཚོགས
118b6 པ་ནི་སེམས་ལས་བྱུང་བའོ།། ཡོངས་སུ་རྣམ་པར་དག་པ་ནི་སེམས་སྣང་བའོ།། ཇི་བཞིན་པ་དེ་ཉིད་ནི་སེམས་ཉིད་དོ།། ལང་ཀའི་བདག་པོ་དེ་ཅིའི་ཕྱིར་ཞེ་ན། གང་གྱུར་པ་མུན་པ་སངས་ན་སྤྲུལ་པ་མངོན་དུ་སྣང་ངོ་།།
iiif viewer powered by OpenSeadragon
