| e-texts navigator |
| Wylie |
115b1 ལ་མི་དང་གཏིང་མེད་པ། མཐའ་དང་དབུས་མེད་པར་ཆུབ་པ་གང་ཡིན་པ་དེ་ནི་བློ་ཟབ་པ། ཞེས་ཟབ་པ་ཞེས་བྱའོ།། དེ་ཅིའི་ཕྱིར་ཞེ་ན། སངས་རྒྱས་ཀུན་གྱི་དགོངས་པ་ཐམས་ཅད་ནི་རྟོག་དཔྱོད་དང་བྲལ་བའོ།།
115b2 ལང་ཀའི་བདག་པོ་དེའི་ཕྱིར་གསང་སྔགས་ཀྱི་ངོ་བོ་ལ་ནི་རབ་ཏུ་དཔག་པར་དཀའ་བའི་ཕྱིར་བློ་ཞིབ་པ། ཆེས་ཞིབ་པ། ཟབ་པ་ཆེས་ཟབ་པས་བལྟ་བར་བྱའོ།། སྨྲ་བ་གསང་བ་པའི་བདག་པོ་གསང་བའི་དབྱིངས་དེ
115b3 དཔེ་གང་ལས་ལྟོས་ཏེ་ཤེས་པར་བྱ། སྨྲས་པ། ལང་ཀའི་བདག་པོ་གསང་བའི་དབྱིངས་དེར་དཔེར་བྱ་བ་ནི་འཇིག་རྟེན་ན་མེད་དོ།། རེ་ཞིག་དཔེར་ཉེ་བར་མངོན་སུམ་པར་བྱ་བ་ནམ་མཁའ་ལ་གཟུང་བར་བྱ་སྟེ། ནམ
115b4 མཁས་ཀྱང་བསྐྲུན་དུ་ཡོད་པ་མ་ཡིན་ཏེ། འཇིག་རྟེན་ན་མངོན་སུམ་པའི་དཔེར་དེ་ལས་མེད་པའི་ཕྱིར་དཔེར་ནམ་མཁལ་ལས་ལྟོས་ཏེ་དེ་ལས་ཤེས་པར་བྱའོ་ཞེས་དམ་པ་རྣམས་ཀྱིས་བཤད་དོ།། སྨྲས་པ། གསང་བ
115b5 པའི་བདག་པོ་གསང་བ་པའི་དབྱིངས་དང་ནམ་མཁའ་གཉིས་ཆོས་ཇི་ལྟར་མཐུན་པར་སྦྱར་བར་བྱས། སྨྲས་པ། ལང་ཀའི་བདག་པོ་གསང་བའི་དབྱིངས་དང་ནམ་མཁའ་ཉིད་ཀུན་ཏུ་ཆོས་མཐུན་པ་ནི་མ་ཡིན་ཏེ། རང
115b6 རིག་སྟོང་པ་ཉིད་དང་། རིག་མེད་སྟོང་པ་ཉིད་ཀྱི་ཕྱིར་རོ།། སྨྲས་པ། གསང་བ་པའི་བདག་པོ་འོ་ན་ཅིག་གསང་པའི་དབྱིངས་དེར་ནམ་མཁའ་མ་འདུས་པ་ཞིག་གམ། སྨྲས་པ། ལང་ཀའི་བདག་པོ་དེ་ཇི་སྙམ་དུ་སེམས།
iiif viewer powered by OpenSeadragon
