| e-texts navigator |
| Wylie |
113b1 གསང་སྔགས་སུ་མ་གྱུར་པའི་ཆོས་ནི་གང་ཡང་མེད་དེ། གསང་སྔགས་ཀྱི་ངེས་པ་ཕྱིན་ཅི་ལོག་པ་རྙེད་པའི་སྐྱེ་བུ་དམ་པ་ལ་ལ་དག་གསང་སྔགས་མཐོང་བར་འདོད་པའི་མེ་ལོང་དུ་ནི་ཐམས་ཅད་འགྱུར་ཏེ། ཇི་ལྟ་ཇི
113b2 ལྟར་སངས་རྒྱས་ནས་སྲོག་ཆགས་ལྡེམ་བུ་དང་ནམ་མཁའ་ནས་ཕྲ་རྡུལ་ཡན་ཆད་ཀྱིས་ལྷན་ནེ། ལྷང་དེ། ལྷག་གེར་གསལ་བར་བྱེད་པའོ།། ཐེ་ཚོམ་གཅོད་པར་བྱེད་པའོ།། མཛོད་དམ་པ་གྱུར་པའོ།། གླེགས་བམ་ཆེན
113b3 པོར་གྱུར་པའོ།། རྒྱ་ཆེན་པོར་བཤད་པའོ།། ཡོངས་སུ་གོ་བར་སྒྲོགས་པའོ།། ལང་ཀའི་བདག་པོ་དེ་བས་ན་གསང་སྔགས་ནི་རང་བཞིན་གྱིས་སྣང་བ་ཟད་ལ། སྐྱེ་བུ་དམ་པ་རྣམས་ཀྱིས་ནི་བྱིན་གྱི་བརླབས་ཀྱིས་སྟོན
113b4 པར་ཟད་དོ།། ལང་ཀའི་བདག་པོས་སྨྲས་པ། གསང་བ་པའི་བདག་པོ་ཅིག་ཐམས་ཅད་སྣང་བ་དེ་གསང་སྔགས་སམ།། འོན་ཏེ་ཐམས་ཅད་ཀྱི་རང་བཞིན་མི་སྣང་བ་དེ་གསང་སྔགས་སམ། ཅི་གཉི་ག་མ་ཡིན་པ་ཞིག
113b5 གསང་སྔགས་ཡིན། གསང་བ་པའི་བདག་པོས་སྨྲས་པ། ཀྱེ་ལང་ཀའི་བདག་པོ་ཐམས་ཅད་སྣང་བ་དེ་ཡང་གསང་སྔགས་མ་ཡིན། གལ་ཏེ་གསངས་སྔགས་ཡིན་ན་ནི་གསང་སྔགས་ཞེས་བརྗོད་པ་ཉིད་འགལ་ལ།
113b6 གང་སེམས་ཅན་གྱི་འདུ་ཤེས་དང་སངས་རྒྱས་ཀྱི་དགོངས་པ་ལ་ཡང་ཁྱད་པར་མེད་པར་འགྱུར་རོ།། དེ་ལས་གཞན་ན་ཡང་གསང་སྔགས་ཡོད་པ་མ་ཡིན། གལ་ཏེ་དེ་ལས་གཞན་པ་འབའ་ཞིག་གསངས་སྔགས་ཡིན
iiif viewer powered by OpenSeadragon
