| e-texts navigator |
| Wylie |
112b1 ཀྱི་ཆོས་ཉིད་དེ་ཁོ་ན་ཉིད་ལས་ཆོས་ཉིད་ཀྱི་དབྱིངས་ཀྱི་ཡེ་ཤེས་སུ་སྣང་ངོ་།། རྩ་བའི་རྣམ་པར་ཤེས་པ་ལས་མེ་ལོང་ལྟ་བུའི་ཡེ་ཤེས་སུ་སྣང་ངོ་།། དམིགས་པའི་རྣམ་པར་ཤེས་པ་ལས་མཉམ་པ་ཉིད་ཀྱི་ཡེ་ཤེས་སུ་སྣང
112b2 ངོ་།། ཀུན་དུ་སྣང་གི་རྣམ་པར་ཤེས་པ་ལས་སོ་སོར་རྟོག་པའི་ཡེ་ཤེས་སུ་སྣང་ངོ་།། འཇུག་པའི་རྣམ་པར་ཤེས་པ་ལས་བྱ་བ་སྒྲུབ་པའི་ཡེ་ཤེས་སུ་སྣང་ངོ་།། ལང་ཀའི་བདག་པོ་དེ་ཡང་མིན་པ་ཞིག་ཡིན་པར་བསྒྲུབས
112b3 པའམ། མི་འདྲ་བ་ཞིག་འདྲ་བར་བཅོས་པ་ནི་མ་ཡིན་གྱི། མ་བཅོས། མ་བསླད། མ་བྱས་པ། མ་བརྩམས་པར་ཡེ་ནས་རང་བཞིན་གྱིས་དེ་ལྟར་སྣང་བ་ཉིད་དུ་ཟད་དོ།། དེ་ནས་ལང་ཀའི་བདག་པོས་དྲིས་པ།
112b4 གསང་བ་པའི་བདག་པོ་གང་གི་ཡེ་ཤེས་འདི་ལྟར་ལྔ་ཁོ་ནར་ཟད་དམ། འོན་ཏེ་གཞན་ཐ་དད་པར་ཡང་སྣང་། སྨྲས་པ། ལང་ཀའི་བདག་པོ་ཡེ་ཤེས་ནི་གང་གི་དབང་གིས་ལྔར་ཡང་སྣང་ལ། བསམ་གྱིས་མི་ཁྱབ་པ
112b5 དང་། སྐད་ཅིག་བཅུ་དྲུག་དང་། རིགས་གཅིག་པ་དང་། རྣམ་པ་གསུམ་དང་། དེ་ཁོ་ན་ཉིད་གསུམ་དང་། རྣལ་འབྱོར་བཞི་དང་། རང་འབྱུང་བ་གཅིག་གོ། ལང་ཀའི་བདག་པོ་དེ་ལ་ཡེ་ཤེས་ལྔ་སོ་སོར་མ་འདྲེས་པ
112b6 ལས་ནི་རིགས་ལྔར་སྣང་ལ། ཡོངས་སུ་རྫོགས་པ་ལས་ནི་སྐུར་བཞིར་སྣང་ངོ་།། འདི་ལྟ་སྟེ། རྩ་བའི་རྣམ་པར་ཤེས་པ་ལེ་མོང་ལྟ་བུའི་ཡེ་ཤེས་ལས་ནི་རྡོ་རྗེའི་གདུང་དང་སྡེའི་སངས་རྒྱས་ཤ་དག་ཏུ་སྣང་ངོ་།། སེམས
iiif viewer powered by OpenSeadragon
