| e-texts navigator |
| Wylie |
110b1 གང་ཞེ་ན་འདི་ལྟ་སྟེ། ཨོཾ་བྷུ་ར་ཁུང་མ་ཧཱ་པྲ་ཎཱ་ཡ། བྷུ་རྩི་བྷཱུརྒི། བྱིག་གེ་བི་མ་ན་སེ། ཨེ་ཧོ་ཤི་མོ། ཨུཙྪཥྨ་ཀྲོ་དྷ་ཧཱཾ་ཧཱུཾ་ཕཊ་ཕཊ་སྭཱ་ཧ། སྐྱེས་བུ་ཆེན་པོ་དེ་ནི་བསྙེན་པའི་ཡན་ལག་ལགས་སོ།། ཨོཾ་བྷུ་དུ་གུརྨ། ཨ་པྲ་ཎ།
110b2 བྷུརྩི་ཙིཀྱི་ཕྱི། མ་ན་སྱེ། ཁ་ཤོ་མོ་ག་རྐོ་དྷ། ཧཱུཾ་ཧཱུཾ་ཕཊ་ཕཊ་སྭཱ་ཧཱ། སྐྱེས་བུ་ཆེན་པོ་དེ་ནི་ཉེ་བའི་བསྙེན་པར་རིག་པར་བྱའོ།། ཧཱུཾ་བྷུ་དུ་ཀུ་རུ། ཨི་ཙི་ཀི་ཕྱི་ཨུཙྪསྶ་ཀྲོ་དྷ་ཧཱུཾ་ཕཊ། སྐྱེས་བུ་ཆེན་པོ་འདི་ནི་སྒྲུབ་པར་རིག་པར
110b3 བྱའོ།། ཨོཾ་བྷུརྐུ་ཏི་ཕཊ། སྐྱེ་བུ་ཆེན་པོ་འདི་ནི་སྒྲུབ་པ་ཆེན་པོར་རིག་པར་བྱའོ།། སྐྱེ་བུ་ཆེན་པོ་འདི་དག་ཀྱང་རེ་རེ་ཞིང་འབུམ་འབུམ་རྫོགས་ནས་གདོད་ཅིག་གང་བྱ་བའི་ལས་ལས་འཇུག་ན་ཐེ་ཚོམ་མ་མཆིས་པར
110b4 འགྲུབ་པར་ལགས་སོ།། དེ་ཅིའི་སླད་དུ་ཞེ་ན། དུས་གསུམ་གྱི་སངས་རྒྱས་རྣམས་ཀྱིས་ཀྱང་མངོན་པའི་མཐུ་ཅན་དུ་བསྔགས་པ་བརྗོད་པ་ལགས་སོ།། རྡོ་རྗེ་མཐུ་བོ་ཆེས་ཀྱང་འཇིག་རྟེན་གྱི་མངོན་རྟགས་འདིས་མཛད
110b5 པ་ལགས་སོ།། བདག་ཅག་རྣམས་ཀྱིས་ཀྱང་ཆོས་འཕྲུལ་གྱི་མངོན་རྟགས་འདིས་བགྱིད་པ་ལགས་ཏེ། སྐྱེས་བུ་ཆེན་པོ་གསང་སྔགས་འདི་གང་གིས་ཆེད་དུ་གཉེར་བར་མངོན་རྟགས་མ་མཆིས་ན་བདེ་བ་ཡོད་མ་མཆིས
110b6 པ་ལགས་སོ།། བཀའ་ཚད་མ་རྣམས་ཀྱང་ངེས་པར་མ་མཆིས་པ་ལགས་སོ།། བདག་ཅག་རྣམས་ཀྱང་རང་རང་གི་ངག་བདེན་པ་དམ་པ་ལས་ཉམས་པའི་སླད་དུ་དམྱགས་མ་མཆིས་པར་མགོ་འགས་ཤིང་ཁྲག་ཏུ་སྐྱུག
iiif viewer powered by OpenSeadragon
