| e-texts navigator |
| Wylie |
10a1 ཁམས།། གླིང་བཞི་པ་ལས་འཛམ་གླིང་གི།། དྲག་ཤུལ་ཅན་ཞེས་བྱ་བའི་རི།། གནོད་སྦྱིན་འདུ་བའི་ས་ཡིན་ཏེ།། ཆོས་འཛིན་རིགས་ཀྱི་གྲུབ་གནས་སུ།། ཐུགས་རྗེའི་ས་ལ་མངོན་སྦྲུལ་གཤེགས།། ས
10a2 རྣམས་ཡོངས་སུ་གཡོས་འགྱུར་ཏེ།། རྨད་དུ་བྱུང་བའི་ཆོ་འཕྲུལ་གྱིས།། ཐམས་ཅད་སྦྱངས་ཏེ་བདེ་བར་སྣང་།། སྔོན་དུ་སྣང་བའི་སྐལ་ལྡན་ཅན།། དམན་པའི་ལུས་འཛིན་དམ་པའི་རིགས།། མི་ལས་རྒྱལ་རིགས་དྲ་མ
10a3 ཆེ།། རྒྱལ་བུ་རྒྱལ་བྱིན་ལྟས་སུ་ཤར།། དེ་ཚེ་དམ་པའི་རིགས་ཅན་རྣམས།། དགའ་བ་དང་བཅས་ཐེ་ཚོམ་སྐྱེས།། སྤོབས་པ་ཆེན་པོའི་དྲི་བ་དྲིས།། ཨེ་མའོ་ངོ་མཚར་རྨད་རེ་ཆེ།། སྐྱེས་བུ་ཆེན་པོ་ཁྱོད་སུ་ཞིག། གང་ནས
10a4 བྱོན་ཏེ་གང་ལྟར་བྱུང་།། གང་ལ་བརྟེན་ནས་གང་དུ་བྱོན།། དོན་གྱི་ཆེད་ཀ་ཅི་ཞེས་དྲིས།། ཆོ་འཕྲུལ་ཆེན་པོས་འདི་སྐད་དུ།། ང་ནི་ཅིས་ཀྱང་མི་བསྐྱོད་དེ།། མི་འཁྲུགས་རྡོ་རྗེ་སེམས་དཔའ་ཡིན།། སྙིང་རྗེས་གཡོ་ཞིང
10a5 བསྐྱོད་པས་ན།། སྲིད་པ་གསུམ་གྱི་གཉེན་གཅིག་པོ།། སྟོང་པ་ཆེན་པོ་ང་ཡི་ཡུལ།། རྡོ་རྗེ་རིགས་ཆེན་ང་ཡི་གདུང་།། ཕ་ནི་ཐབས་མཆོག་དཔག་ཏུ་མེད།། མ་ནི་ཤེས་རབ་བརྗོད་ལས་འདས།། ཐོག་མ་མེད་པའི་དུས
10a6 ཀྱི་ཚེ།། ང་ཡི་ཡིད་བཞིན་ནོར་བུ་སྟོར།། ནོར་བུ་རིན་ཆེན་བདུད་རྩི་དེ།། ཡོད་པར་མ་ཤེས་སྟོར་བར་ཚོར།། དེ་ཚེ་ཀུན་ནས་དབུ་བ་དང་།། ཐར་མེད་ནད་ཀྱིས་གཟིར་འགྱུར་ཞིང་།། མུན་པ་མུན་ནག་སྨག་ཏུ
iiif viewer powered by OpenSeadragon
