| e-texts navigator |
| Wylie |
109a1 ཀུན་ཏུ་རབ་ཏུ་ཆེམ་མོ།། མཐའ་མཐོ་ན་དབུས་དམའོ།། དབུས་མཐོ་ན་མཐའ་དམའོ།། ཤར་མཐོ་ན་ནུབ་དམའ། ནུབ་མཐོ་ན་ཤར་དམའ། བྱང་མཐོ་ན་ལྷོ་དམའ། ལྷོ་མཐོ་ན་བྱང་དམའ་བར་གྱུར་ཏོ།།
109a2 འཇིག་རྟེན་པ་ཀུན་ཀྱང་ངོ་མཚར་དུ་གྱུར་ཏེ་མངོན་པར་བསྟོད་དོ།། ལྷ་དང་བཅས་པའི་འཇིག་རྟེན་པ་ཁ་ཅིག་ནི་དེ་ཁོ་ན་ཉིད་གསང་བ་དམ་པ་ལ་རྗེས་སུ་ཡི་རང་བར་གྱུར་ཏོ།། ཁ་ཅིག་མ་ནི་མ་སྐྱེས་པའི་ཆོས་ལ་བཟོད
109a3 པ་ཐོབ་པོར་གྱུར་ཏོ།། ཁ་ཅིག་ནི་ཆོས་ཀྱི་མིག་རྡུལ་མེད་ཅིང་དྲི་མ་དག་བྲལ་བ་རྣམས་པར་དག་གོ་ཁ་ཅིག་ནི་ཕྱིར་མི་ལྡོག་པའི་ས་ལ་གནས་པར་གྱུར་ཏོ།། ཁ་ཅིག་ནི་ལུང་བསྟན་པ་ཐོབ་པ་ཤ་དག་ཏུ་གྱུར་ཏོ།། དེའི་ཚེ།
109a4 དེའི་དུས་ན་རུ་ཏྲ་ཐར་པ་ནག་པོ་ལ་སོགས་པ་མིའི་ཐོད་པ་ཅན་མ་རུངས་པ་རྣམས་སྐྱེས་བུ་ཆེན་པོ་རྡོ་རྗེ་མ་རུངས་པ་དེ་ལ་ལུས་ཀྱི་བག་བཞི་ས་ལ་ཕབ་པའི་ཕྱག་རྣལ་འབྱོར་གྱི་ལུགས་སུ་བྱས་ནས་ཐལ་མོ་སྦྱར་སྤྱོ་བོས
109a5 བཏུད་ནས་འདི་སྐད་ཅེས་གསོལ་ཏོ།། དེའི་ཚེ་དེའི་དུས་ན་རུ་ཏྲ་ཐར་པ་ནག་པོ་ལ་སོགས་པ་མིའི་ཐོད་པ་ཅན་མ་རུངས་པ་རྣམས་སྐྱེས་བུ་ཆེན་པོ་རྡོ་རྗེ་མ་རུངས་པ་དེ་ལ་ལུས་ཀྱི་བག་བཞི་ས་ལ་ཕབ་པའི་ཕྱག་རྣལ
109a6 འབྱོར་གྱི་ལུགས་སུ་བྱས་ནས་ཐལ་མོ་སྦྱར་སྤྱི་བོས་བཏུས་ནས་འདི་སྐད་ཅེས་གསོལ་ཏོ།། ཨ་ཧོ་སུ་ཁ་ཀྵཾ་བརླ་དེ་བ་ཤི་ཤ་ཨེ་མའོ་སྐྱེས་པོ་ཆེན་པོ་གཡོ་བ་ཕུན་སུམ་ཚོགས་པ་བྱུང་ངོ་།། ཆོས་ཉིད་ཀྱི་བྱིན་གྱིས་བརླབས
iiif viewer powered by OpenSeadragon
