| e-texts navigator |
| Wylie |
108a1 བཀའ་སྩལ་པ།། མ་འོངས་སངས་རྒྱས་བློ་གྲོས་ཁྱོད།། བླ་མེད་ཡེ་ཤེས་བསྐྱེད་པའི་ཕྱིར།། རྒྱུད་སྦྱོང་གསང་བ་གསུམ་དུ་བཞུགས།། རང་གི་མེ་ལོང་ཉིད་ལ་ལྟོས།། གནས་གསུམ་ཉིད་དུ་བཀོད་པ་ཡི།།
108a2 གསང་ཆེན་གསང་བ་རབ་གསང་བ།། མཐོང་བས་དེ་བཞིན་ཉིད་དུ་འགྱུར།། གཞན་མིན་རང་བྱུང་དེ་ཁོ་ན།། བློ་ཆུང་རྣམས་ལ་མ་སྨྲ་ཤིག། གལ་ཏེ་སྨྲས་པར་གྱུར་ན་ནི།། ཐ་ཚིག་དྲག་པོས་ཉམས་གྱུར་ནས།། མེ་ཆེན
108a3 འབར་བའི་གནས་སུ་སྲེག། ཅེས་དམ་ཚིག་དམ་པ་བསྒྲགས་སོ།། ལང་ཀའི་བདག་པོ་འདུས་པའི་ཚོགས་དེ་དག་འདི་ལྟར་གསང་བ་གསུམ་གྱི་དམ་པར་བཞུགས་པ་དེའི་ཚེ་དེའི་དུས་ན་ལ་ལ་ནི་འདུན་པའི་རྣལ་འབྱོར
108a4 ལ་གནས་པ་ཤ་དག་ཏུ་གྱུར་ཏོ།། ལ་ལ་ནི་རིགས་ཆེན་འབྱེད་པའི་རྣལ་འབྱོར་ལ་གནས་པ་ཤ་དག་ཏུ་གྱུར་ཏོ།། ལ་ལ་ནི་དབུགས་ཆེན་འབྱིན་པའི་རྣལ་འབྱོར་ལ་གནས་པ་ཤ་དག་ཏུ་གྱུར་ཏོ།། ལ་ལ་ནི་ལུང་ཆེན་པོ
108a5 ཐོབ་པའི་རྣལ་འབྱོར་ལ་གནས་པ་ཤ་དག་ཏུ་གྱུར་ཏོ།། ལ་ལ་ནི་གྲལ་ཆེན་རྫོགས་པའི་རྣལ་འབྱོར་ལ་གནས་པ་ཤ་དག་ཏུ་གྱུར་ཏོ།། དེ་ལྟར་ན་དེའི་ཚེ་དེའི་དུས་ཉིད་ན་འདུས་པའི་ཚོགས་ཕལ་མོ་ཆེ་དེ་དག་ནི
108a6 མིང་གིས་དབང་བསྐུར་བས་དབང་བསྐུར་ཏེ།། ལ་ལ་ནི་རྡོ་རྗེ་མྱུ་གུ་ཞེས་བྱ་བར་གྲགས་པར་གྱུར་ཏོ།། དེ་བཞིན་དུ་ལ་ལ་ནི་ཆོས་ཀྱི་མྱུ་གུ་ཞེས་བྱ་བར་གྲགས་སོ།། ལ་ལ་ནི་རིན་ཆེན་མྱུ་གུ་ཞེས་བྱ་བར་གྲགས་སོ།། ལ
iiif viewer powered by OpenSeadragon
