| e-texts navigator |
| Wylie |
107b1 དབུགས་མ་ཕྱུང་བ་དབུགས་ཕྱུང་སྟེ།། མྱང་ངན་འདས་པའི་ཞིང་ཁམས་སུ།། སྙིང་པོར་བྱང་ཆུབ་ཉིད་དུ་སྦྱར།། ཞེས་གསོལ་ཏོ།། དེ་ནས་ཡང་འདུས་པའི་ཚོགས་ཀྱིས་དམ་ཚིག་བསྐུལ་བར་གསོལ་པ། མི་ཕྱེད་གསང
107b2 བའི་རྣལ་འབྱོར་པ།། གཉིས་མེད་དོན་གྱི་དབྱིངས་ལས་བྱུང་།། དབྱིངས་ནི་མི་འཇིག་རྡོ་རྗེ་སྟེ།། འདུ་འབྲལ་མེད་པ་གཅིག་པས་ན།། གསང་བ་གསུམ་གྱི་དབྱིངས་ཉིད་དུ།། གཉིས་སུ་མེད་པར་ནན་ཏན་མཛོད།།
107b3 ཅེས་གསོལ་ཏོ།། དེ་ནས་སྐྱེ་བུ་ཆེན་པོ་དེས་བཀའ་སྩལ་པ། རྡོ་རྗེ་ཅན་གྱི་རྣལ་འབྱོར་ཁྱེད།། རྡོ་རྗེ་ཅན་དུ་གཅིག་ངེས་ན།། གསང་བ་གསུམ་དུ་མཉམ་པའི་ཕྱིར།། མ་ཕྱེད་རྡོ་རྗེ་དམ་ཚིག་སྦྱིན།། མི་ཕྱེད་རྡོ་རྗེ་དམ་ཚིག
107b4 ནི།། གསང་བ་གསུམ་གྱི་དབྱིངས་ནས་ཕྱུང་།། དཀྱིལ་འཁོར་གསུམ་གྱི་དམ་ཚིག་ནི།། གྲུབ་ན་འཇིགས་པའི་དུས་མེད་དོ།། ཞེས་བཀའ་སྩལ་ཏོ།། ཡང་འདུས་པའི་ཚོགས་གྱིས་གསོལ་པ།། འདུ་འབྲལ་མེད་པའི
107b5 ཆོས་ཀྱི་སྤུན།། རིག་མི་མཐུན་ཡང་དམ་ཚིག་གཅིག། འདའ་བར་བཀའ་བས་བསྡུས་པས་ན།། དམ་ཚིག་ཅན་དུ་ནན་ཏན་མཛོད།། ཅེས་གསོལ་ཏོ།། དེ་ནས་ཡང་སྐྱེས་བུ་ཆེན་པོ་དེས་ཡང་འདི་སྐད་ཅེས་བཀའ་སྩལ་ཏོ།།
107b6 གསང་བ་གསུམ་གྱི་དམ་པ་རྣམས།། ཁྱེད་ཀྱིས་རབ་ཏུ་བསླུས་གྱུར་ན།། དེ་ཀུན་ཁྲེས་ནས་ཁྲག་ཆེན་པོ།། ཉམས་པའི་སྙིང་ནས་དྲངས་ཏེ་འཐུང་།། ཞེས་དམ་ཚིག་དམ་པ་བྱིན་ནོ།། དེ་ནས་ཡང་སྐྱེས་བུ་དམ་པ་དེས
iiif viewer powered by OpenSeadragon
