| e-texts navigator |
| Wylie |
107a1 རྗེ་གདུང་ལ་སྐྱབས་སུ་མཆི།། ཞེས་གསོལ་ལོ།། དེ་ནས་ཡང་འདུས་པའི་ཚོགས་ཀྱིས་འདི་སྐད་ཅེས་གསོལ་ཏོ།། ཐོག་མ་མེད་པའི་དུས་མཐའ་ནས།། མ་རིག་ལོག་རྟོག་དབང་གིས་ན།། སྡིག་པ
107a2 བགྱིས་པ་ཅི་མཆིས་པ། དེ་དག་ཐམས་ཅད་སོ་སོར་བཤགས། ཞེས་གསོལ་ཏོ།། ཡང་འདུས་པའི་ཚོགས་དེ་དག་གིས་འདི་སྐད་ཅེས་གསོལ་ཏོ།། རིག་འཛིན་རྡོ་རྗེ་རྒྱལ་བ་ཡིས།། འཁོར་བ་ཇི་ལྟར་བསྒྲལ་བར་ལྟར།།
107a3 བདག་ཅག་རབ་ཏུ་བསྒྲལ་བའི་ཕྱིར། རྡོ་རྗེ་ཉི་མ་སྩལ་དུ་གསོལ།། ཞེས་གསོལ་ཏོ།། དེ་ནས་སྐྱེས་བུ་ཆེན་པོས་བཀའ་སྩལ་པ། ཁྱེ་ནི་དགའ་བ་ཅི་ལ་དགའ། ཁྱེད་ནི་དད་པ་ཅི་ལ་དད།། ཁྱེད་ནི་མོས་པ་ཅི་ལ་མོས།།
107a4 ཁྱེད་ནི་འདོད་པ་ཇི་ལྟ་བ།། དེ་སྐད་ཅེས་བཀ་སྩལ་པ་དང་། འདུས་པའི་ཚོགས་ཀྱིས་གསོལ་པ། བདག་ཅག་སྐལ་ལྡན་བདེ་ཆེན་པོ།། རབ་དགྱེས་སེམས་ལ་བདག་ཅག་དགའ།། མཆོག་ཉིད་དོན་ལ་བདག་ཅག་དང་།།
107a5 ཨེ་མའོ་བདེ་མཆོག་དགའ་ཚལ་འདིར།། སངས་རྒྱས་མཛད་དཀའ་སྤྱད་ནས་ནི།། འགྲོ་བ་ཐམས་ཅད་བསྒྲལ་བར་མོས།། ཞེས་གསོལ་ཏོ།། ཡང་འདུས་པའི་ཚོགས་ཀྱིས་གསོལ་པ། རྒྱལ་མཆོག་སྐྱེས་བུ་ཁྱེད་ཅི་འདྲ།།
107a6 དེ་འདྲ་ཁོ་ནར་སྤྱད་པར་བགྱི།། སྤྱོད་པས་བསམ་རྒྱས་རྨད་འབྱུང་བ།། འགྲོ་ལ་ཕན་པའི་དོན་དུ་སྤྱད།། འཁོར་བའི་མཐའ་རིངས་འཇིག་རྟེན་པ།། མ་བསྒྲུ་བ་ནི་བསྒྲལ་བར་བགྱི།། མ་གྲོལ་བ་ནི་གྲོལ་བར་བགྱི།།
iiif viewer powered by OpenSeadragon
