| e-texts navigator |
| Wylie |
106b1 སྒོ་འདིར།། སུ་དག་འོངས་པར་སླར་མི་ལྡོག། ཅེས་གསུངས་སོ།། དེ་ནས་འདུས་པའི་ཚོགས་དེ་དག་བྱང་ཆུབ་ཏུ་འགྱུར་བའི་ལྟར་བའི་སེམས་འདི་ལྟ་སྐྱེས་སོ།། བདག་ཅག་མཐའ་ཡས་སེམས་ཅན་རྣམས།། དོན་གྱི
106b2 སངས་རྒྱས་ཡིན་མོད་ཀྱང་།། རྟོག་པའི་དབང་གིས་འཁོར་བ་ལ།། བྱང་ཆུབ་མཆོག་ཏུ་སེམས་བསྐྱེད་དོ།། སེམས་ཉིད་སངས་རྒྱས་ཡིན་པ་ལས།། མུན་པས་བསྒྲིབས་པས་དེ་མ་ཤེས།། བྱང་ཆུབ་སེམས་ཀྱི་ལམ་འདི
106b3 ནས།། སངས་རྒྱས་ས་ལ་འཇུག་པར་བགྱི།། ཞེས་གསོལ་ཏོ།། དེ་ནས་ཡང་འདུས་པའི་ཚོགས་རྣམས་ཀྱིས་གསོལ་པ།། བདེ་ཆེན་ལྷུན་གྲུབ་གཞལ་ཡས་འདིར།། རྣམ་པར་ཐར་པའི་སྒོ་བཞིན་ནས།། ཚད་མེད་ཐུགས
106b4 རྗེའི་སྒོ་ཕྱེ་ནས།། བྱམས་པའི་ཞལ་བསངས་བསྟན་ཏུ་གསོལ།། ཞེས་གསོལ་ཏོ།། དེ་ནས་སྐྱེ་བུ་ཆེན་པོ་དེས་འདི་སྐད་ཅེས་བཀའ་སྩལ་ཏོ།། ཨེ་མའོ་སྐལ་ལྡན་འདུས་པའི་ཚོགས།། འཁོར་བའི་ལམ་སྒོ་ཀུན་བཅད་དེ།
106b5 བྱང་ཆུབ་ལམ་ལ་གཟུང་བའི་ཕྱིར། རྡོ་རྗེ་གསང་སྒོ་དབྱེ་བར་བྱ།། ཞེས་གསུངས་ཏེ་ཞལ་འཛུམ་པའི་མདངས་ལས་འོད་ཟེར་ཕྱུང་བས་དོན་ལ་ངེས་པར་འཇུག་པའི་སྒོ་བྱེ་བར་གྱུར་ཏོ།། དེ་ནས་འདུས་པའི་ཚོགས
106b6 རྣམས་མགུ་ཞིང་རངས་པའི་སྒོ་ནས་རྣལ་འབྱོར་དུ་རྣམ་པར་འདུན་ནས་འདི་སྐད་ཅེས་གསོལ་ཏོ།། ཕོ་བྲང་རྨད་འབྱུང་གཞན་ཡས་ནས།། རྒྱལ་བ་རྒྱ་མཚོ་ཀུན་བཞུགས་ལ།། རྣལ་འབྱོར་ངེས་པར་ལྷག་པར་མོས།། རྡོ།
iiif viewer powered by OpenSeadragon
