| e-texts navigator |
| Wylie |
106a1 པ། ཀྱེ་འདུས་པའི་ཚོགས་རྒྱལ་བའི་སྲས་རྣམས་རང་རང་གི་དེ་ཁོ་ན་ཉིད་མཐོང་བར་འདོད་ན་དཀྱིལ་འཁོར་ཆེན་པོ་གསུམ་གྱི་སྒོ་འབའ་ཞིག་ཏུ་འཇུག་པར་བྱའོ།། དེ་ཡང་རྩ་བ་བྱང་ཆུབ་སེམས་ཀྱི
106a2 སེམས་ཀྱི་དཀྱིལ་འཁོར་འབའ་ཞིག་གི་སྒོར་འཇུག་པར་བྱའོ།། དེ་ཅིའི་ཕྱིར་ཞེ་ན། དཀྱིལ་འཁོར་ཆེན་པོ་གསུམ་དང་རང་རང་གི་དེ་ཁོ་ན་ཉིད་སོ་སོ་མ་ཡིན་ཐ་མི་དད་དོ།། དེ་ཡང་རྩ་བ་བྱང་ཆུབ་སེམས་ཀྱི་དཀྱིལ
106a3 འཁོར་དུ་འདུས་པའི་ཕྱིར་རོ།། དེ་སྐད་ཅེས་བཀའ་སྩལ་པ་ལས། འདུས་པ་ཆེན་པོའི་ཚིགས་ཀྱིས་གསོལ་པ། དཔའ་བོ་ཆེན་པོ་བདག་ཅག་དཀྱིལ་འཁོར་གསུམ་དུ་གཞུག་ཏུ་གསོལ།། སྐྱེས་བུ་ཆེན་པོ་ཡང་དག་པར
106a4 གཞུག་ཏུ་གསོལ་པ། དེ་སྐད་ཅེས་གསོལ་པ་ལས། སྐྱེས་བུ་ཆེན་པོ་དེས་བཀའ་སྩལ་པ། རྣལ་འབྱོར་འཇུག་པའི་བྱིས་པ་ཁྱེད།། འཇིག་རྟེན་དྲུག་ལས་དྲངས་ནས་ཀྱང་།། འདས་དང་མ་འདས་ས་མཚམས་ཀྱི།། འགྱུར
106a5 དབང་མ་ངེས་ས་ལ་གཞག། ཅེས་གསུངས་སོ།། དེ་ནས་འདུས་པའི་ཚོགས་ཀྱིས་འདི་སྐད་གསོལ་ཏོ།། དཔའ་བོ་ཆེན་པོ་དགོངས་སུ་གསོལ།། བདག་ཅག་སྐལ་ལྡན་འདུས་པའི་ཚོགས།། སྒོ་འདིར་འཇུག་པར་འཚལ
106a6 ལགས་ན།། རྒྱལ་བའི་སྲས་སུ་གཟུང་དུ་གསོལ།། ཞེས་གསོལ་པ་ལས།། སྐྱེས་བུ་ཆེན་པོས་བཀའ་སྩལ་པ།། སྐལ་ལྡན་འདུས་པའི་ཚོགས་ཆེན་ཁྱེད།། བདེ་བར་འོངས་སོ་ལེགས་པར་འོངས།། གྲུབ་པ་ལུང་གི་གསང
iiif viewer powered by OpenSeadragon
