| e-texts navigator |
| Wylie |
105b1 ཅད་དུ།། ཡེ་ནས་རྒྱལ་བའི་སྲས་ཡིན་ན།། གྲོང་ཁྱེད་གསུམ་དུ་ཅི་སྟེ་འཁོར།། རང་རང་རྣམ་རྟོག་ལས་ཁོ་ནའོ།། ལས་ཀྱི་རྒྱ་མཚོ་དཔའ་རླབས་དང་། བདག་ཏུ་འཛིན་པའི་མདུད་པ་དང་། ཁོང་ནས་འབར་བའི་མེ་ཆེན
105b2 དང་།། ཀུན་ནས་འཐིབས་པའི་མུན་ནག་དང་།། དངོས་པོར་རྟོག་པའི་གཅོང་རྙིང་དང་།། རྣམ་པར་གཡེང་བའི་ཆུ་བོ་དང་།། ཁོ་ནས་འཁྱིལ་བའི་དུག་རྩ་རྣམས།། རང་བྱུང་རྡོ་རྗེ་མ་བྱས་ན།། གཞན་ལ་རེ་གསོལ
105b3 གདུང་སྨྲས་པ། ཆུ་འདོད་སྨིག་རྒྱུ་སྙེགས་པ་འདྲ།། གང་འདིར་ཉིད་བདེར་མ་སྦྱར་ན།། གཞན་གྱིས་བདེ་བར་ག་ལ་འགྱུར། ཡེ་ནས་བདེ་བར་གནས་བཞིན་དུ།། ད་གདོད་གང་དུ་བདེ་ཚོལ་བ།། བཙའ་བབས་རྙེད
105b4 པར་ཡོང་མི་འགྱུར།། སྡུག་བསྔལ་ཉིད་ལ་མངོན་པར་རྒྱུ།། འོ་མ་དག་ལས་མར་བྱུང་བ།། དེ་ཉིད་ཡེ་ནས་མར་མེད་པ།། ཐབས་མཆོག་དཔག་མེད་རྒྱལ་བས་ཀྱང་།། བསྲུབས་པ་མ་གཏོགས་དེ་མི་རྙེད།། དེ་བཞིན
105b5 རང་གི་དེ་ཉིད་ལས།། བཙལ་ཀྱང་རྒྱལ་བས་མི་བརྙེས་ན།། ཁྱེད་ཅི་གཞན་ལས་བདེ་འདོད་དམ།། མི་ཤེས་བློ་ཆུང་སྙིང་རེ་རྗེ།། ཞེས་བཀའ་སྩལ་པ་དང་།། ལང་ཀའི་བདག་པོ་དབང་ཕྱུག་ཆེན་པོ་ལ་སོགས་པ་འདུས
105b6 པ་ཕལ་པོ་ཆེའི་ཚོགས་ཀྱིས་གསོལ་པ། ཀྱེ་སྐྱེས་བུ་ཆེན་པོ་བདག་ཅག་རྣམས་རང་རང་གི་དེ་ཁོ་ན་ཉིད་བལྟ་བར་འཚལ་ན།། དེ་ཇི་ལྟར་ཡོངས་སུ་བལྟ་བར་བགྱི་ཞེས་གསོལ་པ་ལས་སྐྱེས་བུ་ཆེན་པོ་དེས་བཀའ་སྩལ
iiif viewer powered by OpenSeadragon
