| e-texts navigator |
| Wylie |
105a1 ལས།། ཐབས་མཁས་ཐུགས་རྗེའི་གྲུ་ཡིས་བསྒྲལ་དུ་གསོལ། ཞེས་སྐྱབས་དམ་པར་དོང་། དེ་ནས་འབྱུང་པོའི་ཚོགས་ཀྱིས་ཤིན་ཏུ་ངུས་ནས་སྐྱེས་ཏེ་གསོལ་པ། རང་འབྱུང་བདུད་རྩིའི་རྒྱལ་པོ་དགོངས
105a2 སུ་གསོལ།། དུག་ཆེན་གླིང་དུ་འཁྱམས་པར་བདག་ཅག་རྣམས། ཀུན་ནས་སྨྱོས་པ་མྱོས་ཤིང་ཉམས་གྱུར་པ། སུས་ཀྱང་མ་སྦྱར་སྦྱོར་བར་བྱེད་མེད་དེ།། ཕྱིན་ཅི་ལོག་ཏུ་ལྟ་བའི་དུག་གིས་མྱོས།། དུག་ཆེན་ནད་ཀྱིས
105a3 རྣམ་ཤེས་གཟིར་བ་ལ།། ཁོང་ནས་འཁྱིལ་བའི་དུག་རྩ་མ་བཅད་པས།། དུག་ནད་འབར་བའི་སྡུག་བསྔལ་རྒྱུན་མི་འཆད།། མི་ཟད་བཟོད་པར་དཀའ་བའི་སྡུག་བསྔལ་ལ།། རང་འབྱུང་དག་པའི་བདུད་རྩིས་བྱུག་ཏུ
105a4 གསོལ།། ཞེས་སྐྱབས་དམ་པར་དོང་ངོ་།། དེ་ནས་ཡང་རྡོ་རྗེ་སྲིན་པོ་དེས་བཀའ་སྩལ་པ། ཡིན་ནོ་ལེགས་སོ་རིགས་ཀྱི་བུ།། རུ་ཏྲ་དག་གི་ཁྱོད་རེ་འཁོར།། རུ་ཏྲ་དག་གིས་ཁྱོད་རེ་འཚོག། བདག་ཏུ་འཛིན་པས་ཁྱོད་རེ
105a5 འཁོར།། བདག་ཏུ་འཛིན་པས་ཁྱོད་རེ་འཚོག། ཞེས་སྡང་དག་གིས་ཁྱོད་རེ་འཁོར།། ཞེ་སྡང་དག་གིས་ཁྱོད་རེ་འཚོག། གཏི་མུག་དག་གིས་ཀྱོད་རེ་འཁོར།། གཏི་མུག་དག་གི་ཁྱོད་རེ་འཚོག། འདོད་ཆགས་དག་གིས
105a6 ཁྱོད་ཏེ་འཁོར།། འདོད་ཆགས་དག་གིས་ཁྱོད་རེ་འཚོག། ཆུ་བོ་བཞི་ཡིས་ཁྱོད་རེ་འཚོག། ཆུ་བོ་བཞི་ཡིས་ཁྱོད་རེ་འཚོག། ལོག་པའི་ལྟ་བས་ཁྱོད་རེ་འཁོར།། ལོག་པའི་ལྟ་བས་ཁྱོད་རེ་འཚོག། ཇི་ལྟར་ཁྱོད་ནི་ཐམས
iiif viewer powered by OpenSeadragon
