| e-texts navigator |
| Wylie |
104a1 རྗེའི་མདུད་གྲོལ་ཐབས་ཀྱིས་དགྲོལ་དུ་གསོལ།། ཞེས་ལུས་སྐུའི་རྒྱན་དུ་ཕུལ་ལོ།། དེ་ནས་སྦྱིན་པོའི་རྒྱལ་པོ་ཤ་ཏྲང་གསེང་བུ་ལ་སོགས་པ་རྣམས་ཀྱིས་ཤིན་ཏུ་ངུས་ནས་སྐྱེས་ཏེ་གསོལ་པ། དཔལ་པོ
104a2 སྒེག་པོ་ཆེན་པོ་དགོངས་སུ་གསོལ།། མྱ་ངན་གླིང་དུ་འཁྱམས་པའི་བདག་ཅག་རྣམས།། མེ་ཆེན་འབས་པས་གདུངས་ཤིག་སྲེག་འགྱུར་བ། སུས་ཀྱང་མ་བསྲེགས་སྲེག་པར་བྱེད་མེད་དེ།། མི་ཟད་རྣམ་སྨིན་དྲག་པོ་ཉིད
104a3 ལས་བྱུང་།། ཞེས་སྡང་འབར་བས་རང་རྒྱུད་བསྲེགས་པ་ལ། བདག་འཛིན་ཁོང་ནས་འབར་བ་མ་སད་པས།། ཀུན་ཏུ་སྲེག་ཅིང་གདུང་པ་རྒྱུན་མི་འཆད།། མི་ཟློགས་ཞི་བར་དཀའ་བའི་སྡུག་བསྔལ་ལས།། ཐུགས་རྗེ
104a4 བསིལ་བའི་ཆར་རྒྱུན་དབབ་དུ་གསོལ།། ཇི་ལྟར་ཁབ་ལེན་རྡོ་ལ་ལྕགས་འདུ་ལྟར།། དེང་བས་བཟུང་སྟེ་དཔའ་བོའི་འབངས་སུ་མཆི།། ཞེས་སོ་སོའི་ཐོད་པ་ཁྲག་གིས་བཀང་བ་བསྟབས་སོ།། དེ་ནས་ལོ་སྲེད་ཅན་གྱི
104a5 ཚོགས་ཀྱིས་ཤིན་ཏུ་ངུས་ནས་སྐྱེས་ཏེ་གསོལ་པ། ཀུན་སྣང་མུན་ཟེར་སྒྲོན་མ་དགོངས་སུ་གསོལ།། མུན་ནག་སྨག་ཏུ་འཁྱམས་པ་བདག་ཅག་རྣམས།། ལམ་ནོར་ལམ་སྟོར་ཀུན་དུ་འཐོམས་འགྱུར་ཏེ།། སུས་ཀྱང་མ
104a6 བཀག་འགོག་པར་བྱེད་མེད་དེ།། བདག་ཏུ་རྨོངས་པའི་མ་རིག་མུན་པས་བསྒྲིབས།། རྣམ་ཤེས་གཏི་མུག་མུན་པས་འཐིབས་པ་ལ།། བདག་ཏུ་རྨོངས་པས་མུན་པ་མ་བསལ་བས།། ཀུན་ནས་བསྒྲིབས་པའི་མུན་ནག
iiif viewer powered by OpenSeadragon
