| e-texts navigator |
| Wylie |
103b1 འདི།། བཀའ་ཡི་གཏན་ཚིགས་ཞི་མོས་མ་བཀྲོལ་ཞིང་།། ཤེས་རབ་ཟབ་མོ་དམིགས་བུས་མ་ཕྱེ་བས།། རང་རིག་ཡེ་ཤེས་བློ་དང་མི་ལྡན་ཞིང་། ངེས་པར་ལེགས་པའི་གྲོས་ཀྱིས་མཆོད་དེ།། གར་ཐབས་གློག་གི
103b2 ཞགས་པས་མ་ཟིན་པས།། རྣམ་ཤེས་ལས་ཀྱི་རྒྱ་མཚོའི་དབས་བསྒྲིབས་ཏེ།། དེ་ཉིད་དེ་བཞིན་ཉིད་དུ་ངོ་མ་འཚལ།། གཏི་མུག་རང་སེམས་བདག་ཏུ་བཟུང་བས་ནོངས།། ཤིན་ཏུ་འགྱོད་པས་གནོང་བའི་ཚུལ་བཟུང
103b3 བས།། དཔའ་བོ་ཆེན་པོ་ཁྱོད་ལ་སྐྱབས་སུ་མཆི།། དངོས་པོ་སྦྱང་ཕྱིར་བདག་ལུས་གདན་དུ་དབུལ།། ཐམས་མཁས་ཐུགས་རྗེས་ལུས་འདི་བཞེས་སུ་གསོལ།། ཞེས་རང་གི་ལུས་ཞབས་ཀྱིས་གདན་ཁྲིར་ཕུལ་ལོ། དེ
103b4 ནས་འགྲི་ན་ནག་པོ་ལ་སོགས་པ་ཀླུ་ཆེན་པོ་རྣམས་ཀྱིས་དུས་སྨྲས་ཏེ་གསོལ་པ། གཟི་བརྗིད་རྒྱལ་པོ་མངའ་བདག་དགོངས་སུ་གསོལ།། སྲིད་པའི་དྲ་བར་འཁྱམས་པ་བདག་ཅག་རྣམས།། བཅིང་པ་ལྔ་ཡིས་ཀུན་ཏུ
103b5 བཅིངས་གྱུར་པ།། སུས་ཀྱང་མ་བཅིངས་བཅིང་བར་བྱེད་མེད་དེ།། བདག་ཏུ་འཛིན་པའི་རྣམ་རྟོག་ལས་ཀྱིས་བཅིངས།། སྣ་ཚོགས་ལུས་དང་འདུ་ཤེས་གནས་ལ་སོགས།། བདག་འཛིན་གྲོང་ཁྱེར་གསུམ་གྱི་བཙོན་ར
103b6 འདིར།། འཁོར་བའི་བཙོན་ཆས་རྣམ་ཤེས་བཅིངས་པ་ལ།། བདག་ཏུ་འཛིན་པའི་མདུད་པ་མ་བཀྲོལ་བས།། ཀུན་དུ་བཅིངས་པའི་མདུད་པ་རྒྱུན་མི་ཆད།། མི་ཤིགས་དགྲོལ་བར་དཀའ་ཡི་སྡུག་བསྔལ་ལས།། ཐུགས
iiif viewer powered by OpenSeadragon
