| e-texts navigator |
| Wylie |
101b1 བྱང་ཆུབ་སེམས།། སྟོང་ཉིད་ཡེ་ཤེས་བདུད་རྩིའི་ཆུ།། དུག་ཅེན་འཐུངས་པ་ཀུན་གྱི་གསོས།། ཤི་ན་ཀུན་སློང་སྨན་པའི་མཆོག། ལང་ཀའི་བདག་པོ་དེ་སྐད་ཅེས་བཀའ་སྩལ་པས། རི་ཏྲ་ནག་པོ་རྒྱུད་ཡོངས་སུ་བྱང་སྟེ
101b2 ལྷག་པའི་དོན་ངེས་པར་མཐོང་ངོ་།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྒྱུད་ཡོངས་སུས་སྦྱངས་པའི་ལེའུ་སྟེ་ཉི་ཤུ་དགུ་པའོ།། །། དེ་ནས་དེ་ཉིད་དུ་ངེས་པར་ཕྱོགས་ཕྱིར་ཞབས་ཀྱི་འཁོར
101b3 ལོ་སྤྱིར་པོས་བཏེགས་པའི་འདུན་པས་འདུན་ནས། འདི་སྐད་དུ་ཐམས་ཅད་དུ་བརྒྱུད་པ་རྣམ་པར་གྲགས་པ་སངས་རྒྱས་ཀུན་གྱི་དགོངས་པ་བསྐུལ་བ་ཞེས་བྱ་བའི་གླུ་འདིས་རྣམ་པར་བསྐུལ་ལོ།། ཨོཾ་ཆོས་ཀུན་རང
101b4 བཞིན་དག་པས་ན།། བདག་ཀྱང་རང་བཞིན་རྣམ་པར་དག། དེ་བཞིན་གཤེགས་པ་ཐམས་ཅད་ཀྱི།། ཐུགས་དམ་དབྱིག་མཆོག་བདག་ཉིད་ནི།། སེམས་ཅན་འབྱམ་ཀླས་མ་ལུས་ཀུན།། མཆོད་ཉིད་སྒྲུབ་པར་སྦྱོར
101b5 བས་ན།། རྒྱལ་བ་རྒྱ་མཚོ་ཀུན་འདུས་པས། སྐུ་ཡི་དབྱིག་ཏུ་བདག་སྐྱེད་ཅིག། ཡེ་ཤེས་རིན་ཆེན་དབུ་རྒྱན་མཆོག། གཟི་བརྗིད་ཕུང་པོ་བླ་ན་མེད།། སངས་རྒྱས་རིན་ཆེན་ཀུན་འདུས་པའི།། རྣམ་པར་རྒྱལ་ལ་ཕྱག
101b6 འཚལ་ལོ།། དབྱིག་གི་ཡེ་ཤེས་གཙོ་མཆོག་ཉིད།། རྡོ་རྗེ་དམ་པ་མཆོག་འཛིན་པ།། ཁྱོད་ནི་དམ་ཚིག་གཙོ་ལགས་ཀྱིས།། དབང་ཕྱུག་རྒྱལ་པོར་བདག་སྐུར་ཅིག། བདག་ནི་རྡོ་རྗེས་མངོན་དུ་དབང་བསྐུར་བས།། སངས
iiif viewer powered by OpenSeadragon
