| e-texts navigator |
| Wylie |
9b1 རྩལ་མེད་གནས་ཀྱི་མཆོག། རང་བྱུང་སྟོན་པ་འོད་གསལ་ཐུགས།། འཛིན་པ་མེད་པའི་ཉི་མ་ཤར།། མེ་ཤེལ་འོད་ལྟར་བྱིན་རླབས་འཁྲིགས།། འོད་གསལ་རིག་པའི་བསྟན་པ་སྒྲོགས།། རང་བྱུང་རྐྱེན་བྲལ་གནས་ཀྱི
9b2 མཆོག། རང་བྱུང་བདེ་ཆེན་ཡེ་ཤེས་རོལ་པའི་སྐུ།། ཡི་གེ་བརྡ་བྲལ་ཡེ་ཤེས་རིག་པའི་གསུང་།། ཚིག་གི་ལམ་ཆད་ཡེ་ཤེས་སྒྲོན་མ་འབར།། ལེན་མེད་འཛིན་མེད་བདེ་མཆོག་གསང་བའི་ལམ།། བརྡ་ཡི་འཇུག་པས
9b3 གསང་བའི་དོན་མི་གསལ།། མིང་དང་དོན་མེད་རང་བྱུང་ཡེ་ཤེས་གསལ།། རིག་པ་ཐིག་ལེ་གསལ་བ་གསུངས།། བརྗོད་མེད་ཡེ་ཤེས་འཁོར་ལོ་བདག། ཐ་སྙད་ཀུན་བྲལ་བརྗོད་བྱ་བདག། བདག་མེད་རང་བྱུང་ཡེ
9b4 ཤེས་ཉིད།། རིག་པའི་འཁོར་ལོ་དག་ལ་འཆར།། བདེ་ཆེན་འོད་འབར་ཐིག་ལེའི་མཐའ།། རང་བྱུང་གཟེར་ཆེན་རང་ལ་འདེབས།། རང་བྱུང་འཁོར་ལོ་རང་ལ་གཅོད།། རིག་པའི་ཕྱག་རྒྱ་འགྱུར་བ་མེད།། ཅེས
9b5 གསུངས་སོ།། བྱང་ཆུབ་ཀྱི་སེམས་རིན་ཆེན་འཁོར་ལོ་ལས། ཕུན་སུམ་ཚོགས་པའི་དེ་ཁོ་ན་ཉིད་བསྟན་པའི་ལེའུ་སྟེ་དྲུག་པའོ།། །། དེ་ནས་རིག་པའི་རྒྱལ་པོས་བཙལ་བ་མེད་པའི་ཆོས་དང་ཆོས་ཅན་མི་དམིགས
9b6 པ་འདི་བཀའ་སྩལ་ཏོ།། བཙལ་མེད་རང་བཞིན་ཡེ་སངས་རྒྱས།། རྣམ་དག་རང་བྱུང་སྙིང་པོ་ལ།། ཐམས་ཅད་ཡེ་ཤེས་སྙིང་པོར་གསལ།། ཡེ་ཤེས་འཁོར་ལོ་སྣང་བ་མེད།། ཡེ་ཤེས་རིན་ཆེན་རྩོལ་དང་བྲལ།། རང་བྱུང
iiif viewer powered by OpenSeadragon
