| e-texts navigator |
| Wylie |
9a1 བསྐྱེད།། རང་བཞིན་གསལ་དོན་འོད་ལ་བཞུགས།། སྐུ་གསུང་གསལ་བའི་དོན་ལྡན་ན།། ལྷུན་རྫོགས་ཡེ་ཤེས་ཐིག་ལེར་བཤད།། ཐ་སྙད་སྒྲ་ཡི་རྣམ་པ་ཀུན།། ཡེ་ཤེས་མཚོན་པས་འདྲེས་པའི
9a2 བརྡ།། དོན་ལ་བརྗོད་བྲལ་ཡེ་ཤེས་རྫོགས།། རིག་པའི་བརྡ་སྒོ་དོན་གསལ་བ།། ངེས་མེད་སྦྱོར་ལྡན་བློ་བཞིན་ནོ།། བདེ་ཆེན་རིག་པའི་རྒྱལ་པོ་ལ།། འོད་གསལ་རིག་པའི་འཁོར་ལོ་བསྐོར།། ཡི་གེ་མེད་པའི་རང
9a3 གསལ་ལ།། ཡེ་ཤེས་སྲོག་གི་ཕུར་པ་ཐེབས།། ཞེས་གསུངས་སོ།། བྱང་ཆུབ་ཀྱི་སེམས་རིན་ཆེན་འཁོར་ལོ་ལས། གཏན་ལ་ཕབ་པའི་ལེའུ་སྟེ་ལྔ་པའོ།། །། དེ་ནས་རིག་པའི་རྒྱལ་པོས། རང་རིག་པའི་ཕུན་སུམ
9a4 ཚོགས་པ་འདི་བཀའ་སྩལ་ཏོ།། ཡེ་ཤེས་ཁྱབ་བདག་རིག་པའི་སྐུ།། རང་བྱུང་རིག་པ་མ་འགགས་གསལ།། བརྗོད་མེད་སེམས་ཀྱི་དེ་ཁོ་ན།། རང་བྱུང་སྟོན་པ་ཐུགས་རྗེའི་བདག། འགྲོ་དྲུག་སེམས་ཅན་ཐམས་ཅད
9a5 ཀྱི།། རང་སེམས་སྟོན་པར་མ་ཤེས་ན།། རང་བྱུང་མཐོང་བར་ཡོངས་མི་འགྱུར།། དེས་ན་ཡེ་ཤེས་རྫོགས་པའི་དོན།། རང་རིག་བདེ་བར་ཤེས་པར་གྱིས།། རང་བྱུང་རྒྱལ་པོ་སྟོན་པའི་མཆོག། ཡེ་ཤེས་མ་འགགས་ཅིར
9a6 ཡང་གསལ།། རིག་པ་ཀློང་གི་འཁོར་དུ་རྫོགས།། རང་སེམས་བདེ་ལ་ཀུན་རྫོགས་པས།། བསྟན་པ་རྒྱ་མཚོ་རིག་པའི་ཀློང་།། རྣམ་དག་རང་སེམས་སྐྱེ་མེད་པས།། འགྱུར་མེད་འཁོར་ལོ་རིག་པའི་གནས།། ཡེ་ཤེས
iiif viewer powered by OpenSeadragon
