| e-texts navigator |
| Wylie |
99b1 མཐོང་།། འཁོར་བ་མ་མཐོང་བདེ་བ་ཉིད།། རང་གི་ལྷར་ནི་རང་བསྒོམས་ན།། བསོད་ནམས་རྡོ་རྗེ་ཅིག་ཆར་རྫོགས།། རང་གི་སྙིང་པོ་རང་སྔགས་ཀྱིས།། བསྒྲུབ་པའི་སྙིང་པོར་ཆུད་མི་ཟ།། ཕྱག་རྒྱ་མི་བསྐྱོད་ཡན
99b2 ལག་བསྐྱོད།། སངས་རྒྱས་མི་གཤེགས་བདག་ཉིད་གཤེགས།། སངས་རྒྱས་མི་མཆོད་བདག་ཉིད་མཆོད།། སྟོན་པ་མི་མཐོང་བདག་ཉིད་མཐོང་།། སངས་རྒྱས་མ་མཐོང་སློབ་དཔོན་མཐོང་།། གཟུགས་ཉིད་མ་མཐོང
99b3 ཆོས་སྐུ་མཐོང་།། དཔེ་བྱད་མི་བལྟ་རང་གཟུགས་བལྟ།། ཡང་དག་ཡེ་ཤེས་རང་རིག་ནས།། མྱུར་དུ་བླ་མེད་སྦྱོར་བ་ཡིན།། ཐམས་ཅད་འབྱུང་བའི་སྦྱོར་བ་ཡིན།། བདག་གི་ལྷར་ནི་བདག་གི་བྱ།། འདི་ནི་སངས་རྒྱས
99b4 ན་གྱི་དཔལ།། སངས་རྒྱས་རྣམས་ཀྱི་ཡེ་ཤེས་ཏེ།། ཤེས་རབ་མ་ལུས་ཕུན་སུམ་ཚོགས།། འདི་འདྲའི་དཀྱིལ་འཁོར་བླ་ན་མེད།། སངས་རྒྱས་དེ་བཞིན་གཤེགས་པས་གསུངས།། ཐེག་པ་གསུམ་གྱི་ངེས་འབྱུང
99b5 ལ།། ཐེག་པ་གཅིག་གི་འབྲས་བུར་གནས།། ཆོས་ཆེན་པོ་རྨད་དུ་བྱུང་བ་ལས། བྱང་ཆུབ་སེམས་རྨད་དུ་བྱུང་བའི་ལེའུ་སྟེ་བཅུ་དྲུག་པའོ།། །། སེམས་དཔའ་ཆེན་པོ། སྨན་མཆོག་ནད་མེད་བདེ་འཚོ་བ།། དུས
99b6 གསུམ་སྨན་མཆོག་བྱང་ཆུབ་སེམས།། འཇིག་རྟེན་སྨན་རྣམས་འདི་ཡིན་ནོ།། བྱང་ཆུབ་སེམས་ཀྱིས་བྱས་པ་རྣམས།། དགེ་ཚུལ་དཔག་བསམ་ལྗོན་ཤིང་བཞིན།། རྟག་ཏུ་བྱང་ཆུབ་བདེ་བའི་ས།། བྱང་ཆུབ་མཆོག་གི
iiif viewer powered by OpenSeadragon
