| e-texts navigator |
| Wylie |
99a1 རྒྱལ་དེ་བཞིན་ཉིད།། ལོངས་སྤྱོད་དབང་ཕྱུག་དཔལ་དང་མཉམ།། རྡོ་རྗེ་ཉི་མ་གཟི་བརྗིད་དང་།། མདོག་སྡུག་ཤིན་ཏུ་འབར་བ་ཡི།། བཞད་ཅིང་རྨད་དུ་མཛད་པ་ཡིས།། དགའ་མགུ་རང་བ་རྣམས་སུ
99a2 འགྱུར།། པདྨ་བཞད་པས་ཆོས་ཀུན་གྱིས།། རྟོགས་མཛད་སངས་རྒྱས་ཐམས་ཅད་ཀྱང་།། བྱང་ཆུབ་སེམས་འདིས་མཉེས་གྱུར་ནས།། སྐད་ཅིག་ཉིད་ལ་དོན་རྟོགས་ཏེ།། སྙིང་པོ་བྱང་ཆུབ་ཉིད་དུ་འགྱུར།། རྡོ་རྗེའི
99a3 གདན་ལ་ཡང་སངས་རྒྱས།། ལམ་འདི་རྫོགས་པའི་བྱང་ཆུབ་སེམས།། ཚེ་འདི་ཉིད་ལ་བདེ་བ་དང་།། ཕྱི་མ་འབྱུང་བར་བདེ་བ་དང་།། སངས་རྒྱས་རྣམས་ཀྱི་བདེ་བ་དང་།། སངས་རྒྱས་ཉིད་ཀྱང་རྫོགས་གྱུར
99a4 ཏེ།། སངས་རྒྱས་ཉིད་དང་སྐལ་བ་མཉམ།། ཞེས་གསོལ་ཏོ།། དེ་ནས་སྟོན་པ་བླ་ན་མེད།། རབ་ཏུ་དགེས་པ་མཛད་ནས་འཛུམ།། དེ་ནས་ཐུགས་གསང་བའི་སྒྲོན་མ་འདི་གསུངས་སོ།། རྨད་བྱུང་བྱང་ཆུབ་སེམས
99a5 བསྒོམ་པ།། འགྲོ་བ་མྱུར་དུ་བྱང་ཆུབ་སྟེ།། མ་སྐྱེས་བྱང་ཆུབ་རྨད་བྱུང་བ།། ཉོན་མོངས་ལས་ཀྱིས་གོས་མི་འགྱུར།། བྱང་ཆུབ་སེམས་འདི་བྱང་ཆུབ་ཉིད།། ཚོགས་རྣམས་མ་བསགས་ཅིག་ཆར་རྫོགས།། རང་གི་སྙིང་པོ
99a6 རང་བྱས་ན།། བསམས་ན་ལྷུན་གྱིས་གྲུབ་པའི་སྐུ།། སངས་རྒྱས་མི་བསྒོམ་བདག་ཉིད་བསྒོམ།། སྙིང་པོ་མི་བརྗོད་བདག་ཉིད་བརྗོད།། སངས་རྒྱས་མ་མཐོང་ཆོས་ཉིད་མཐོང་།། བདག་ཉིད་མ་མཐོང་སྐུ་གསུམ
iiif viewer powered by OpenSeadragon
